شىمكەنتتىك دەپۋتاتتار مەن ەرىكتىلەر ۆاكتسينا بەكەتتەرىندەگى دارىگەرلەرگە ىستىق اس پەن جەمىس-جيدەك تاراتتى. مۇنداعى باستى ماقسات – ىندەتتىڭ ءورشىپ تۇرعان شاعىندا ايانباي ەڭبەك ەتىپ جۇرگەن اق حالاتتىلارعا قۇرمەت كورسەتىپ، حالىق العىسىن جەتكىزۋ.
بۇعان دەيىن دە بىرنەشە رەت ۇيىمداستىرىلعان شارادا 80 شاقتى مەديتسينا قىزمەتكەرلەرىنە ريزاشىلىق ءبىلدىردى.
شىمكەنتتە اق حالاتتىلارعا ىستىق تاماق پەن جەمىس-جيدەك تاراتىلدى. «30 قايىرىمدى ءىس» جوباسى اياسىندا ۇيىمداستىرىلعان اكتسياعا دەپۋتاتتار مەن ەرىكتى جاستار قاتىستى.
باستى ماقسات – قاۋىپتى ىندەتپەن كۇرەسىپ جاتقان اق حالاتتىلارعا قۇرمەت كورسەتىپ، العىس ايتۋ. جاستار رەسۋرستىق ورتالىعى باستاعان بۇل شارا بۇعان دەيىن دە بىرنەشە رەت وتكىزىلگەن بولاتىن. ال بۇل جولى ۆاكتسينا ەگۋ بەكەتتەرىندە كۇن-ءتۇن دەمەي جۇمىس ىستەپ جاتقان مەديتسينا قىزمەتكەرلەرىن قۋانتۋدى كوزدەدىك دەيدى ولار.
جاسمين اشيموۆا، جاستار ءماسليحاتىنىڭ دەپۋتاتى: «بىزدەگى 36 ەگۋ بەكەتتەرىندەگى تۇنگە دەيىن ىستەيتىن دارىگەرلەر بار ەكەن. سولاردى قۋانتايىق دەپ شەشتىك. اق حالاتتىلاردىڭ ەڭبەگى زور ەكەنىن كورسەتىپ ولارعا ۇلكەن قۇرمەت، العىس ايتايىق دەدىك».
بۇل شاراعا 30 جىلدان بەرى قيىن جاعدايداعى ادامدارعا تاماق ۇلەستىرەتىن حالىقارالىق ۇيىم دا اتسالىسىپتى. 2018 جىلدان باستاپ ەرىكتى بولىپ جۇرگەن ديلنازا رۋستەموۆا دارىگەرلەرگە ارنالعان ۆەگەتەريان پالاۋىن دايىنداۋ پروتسەسىنە ءوزىم قاتىستىم دەيدى.
ديلنازا رۇستەموۆا، ەرىكتى: «وتكەن جىلى جاستار ورتالىعىمەن ادامداردى تاماقتاندىردىق، كومەكتەستىك. ال بۇل جولى ءبىز پالاۋدىڭ 80 پورتسياسىن دايىندادىق. ءبىزدىڭ بارلىق تاعامىمىز ءدامدى ءارى ىستىق. ءبىز مۇنى ءوزىمىز دايىندايمىز جانە ۆەگەتارياندىق. ياعني، ەتسىز جاسالعان. بىراق، ەتتىڭ ورنى كوتلەتپەن الماستىرىلعان».
يگى اكتسيا ۇيىمداستىرۋشىلارى مۇنداي شارا مۇنىمەن توقتامايدى، الداعى ۋاقىتتا دا دارىگەرلەرگە العىس ايتۋدى جالعاستىرامىز دەيدى.
