ەل ەكونوميكاسىنا اسەر ەتەتىن فاكتوردىڭ ءبىرى – تۋريزم. ءتۋريزمنىڭ دامۋىندا تۋريستىك قىزمەت كورسەتۋشى كومپانيالاردىڭ ۇلەسى زور. سوندىقتان مۇنداي كومپانيالاردىڭ تۋريستەرگە قولايلى باعدارلاما ۇسىنىپ، جوعارى ساپالى قىزمەت كورسەتۋى ءۇشىن ولارعا دەگەن مەملەكەتتىك قولداۋ دا ارتىپ كەلەدى.
تۋريستىك قىزمەت كورسەتۋشى كاسىپكەرلەرگە ۇسىنىلاتىن كەلەسى مەملەكەتتىك قولداۋدىڭ ءتۇرى – ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان «ەڭبەك» مەملەكەتتىك باعدارلاماسى.
شاعىن نەسيەلەندىرۋ تالاپتارى:
- ءبىر قاتىسۋشى ءۇشىن نەسيەنىڭ ەڭ جوعارى سوماسى – 8000 اەك (23,0 ملن.تەڭگە)
- نەسيەنىڭ پايىزدىق مولشەرلەمەسى – جىلىنا 6% (كوپبالالى جانە تابىسى از وتباسى مۇشەلەرى ءۇشىن 4%)
- نەسيەلەۋ مەرزىمى – ينۆەستيتسيا ءۇشىن 7 جىل، اينالىم قاراجاتىن تولىقتىرۋ 3 جىل
- سالالىق شەكتەۋلەر قويىلماعان
- نەسيە بويىنشا قايتا قارجىلاندىرۋ قاراستىرىلماعان
- جوبالاردىڭ نىسانالى ماقساتى– ينۆەستيتسيالار، اينالىم قاراجاتىن تولتىرۋ
- باعدارلاماعا شاعىن جانە ورتا بيزنەس وكىلدەرى قاتىسادى
- كاسىپكەرلىك نەگىزىن وقۋ بويىنشا قاجەتتى – بيزنەس-باستاۋ سەرتيفيكاتى
كەپىلدەندىرۋ تالاپتارى:
- باستاۋىش كاسىپكەرلەر ءۇشىن كەپىلدىك كولەمى – 85%-عا دەيىن
- ارەكەتتەگى كاسىپكەرلەر ءۇشىن كەپىلدىك كولەمى - 50%-عا دەيىن
شاعىن نەسيەلەندىرۋ مەحانيزمى:
1) كاسىپكەر باعدارلاما تالاپتارىنا سايكەس كەلەتىنىن انىقتاۋ ءۇشىن جانە كەڭەس الۋ ءۇشىن جۇمىسپەنقامتۋ ورتالىعىنا جۇگىنەدى
2) كاسىپكەر «اتامەكەن» وڭىرلىك كاسىپكەرلەر پالاتاسىندا كاسىپكەرلىك نەگىزدەرى وقۋ كۋرسىنان وتەدى
3) كاسىپكەر جۇمىسپەن قامتۋ ورتالىعىنىڭ باعىتتاۋىمەن جانە كاسىپكەرلىك نەگىزدەرىن وقىعاندىعى تۋرالى سەرتيفيكاتپەن بيزنەس-جوسپار دايارلايدى جانە بانككە ءوتىنىم جولدايدى
4) بانك كاسىپكەرگە شاعىن نەسيە بەرۋ تۋرالى وڭ شەشىم قابىلداسا، كاسىپكەرمەن شاعىن نەسيە بەرۋ تۋرالى كەلىسىمشارت تۇزەدى.
قوسىمشا اقپارات الۋ ءۇشىن:
«Shymkent invest» بيزنەسكە ارنالعان ۇكىمەت فرونت-ءوفيسى: 39-11-77;
«Visit Shymkent» تۋريستىك اقپاراتتىق ورتالىعى: 87011021717, 87021091717
شىمكەنت قالاسى اكىمدىگىنىڭ ءباسپاسوز قىزمەتى
