وزگە وڭىردە ءوسىپ-وركەندەپ، بۇگىندە شىمكەنت جاستارىن ءبىلىم شىڭىنا تاربيەلەپ وتىرعان ۇستاز بار. ول «ءبىلىم-يننوۆاتسيا» ەر بالالارعا ارنالعان №1 ليتسەي-ينتەرناتىنىڭ گەوگرافيا ءپانىنىڭ مۇعالىمى ارعىن باستامي.
قاراعاندى وبلىسىنىڭ تۋماسى بولعان ارعىن ەرجانۇلى 2017 جىلى شىمكەنت قالاسىنا العاش رەت ۇستازدىق ەڭبەك جولىن باستاپ، وسى ۋاقىت ارالىعىندا 16 وقۋشىسى رەسپۋبليكالىق ءپان وليمپياداسىندا جەڭىس تۇعىرىنان كورىندى.
ليتسەي ۇجىمى جاس ماماندى كاسىبي تۇرعىدان جوعارعى دەڭگەيلى، ءوز قىزمەتىن بىلىمدىلىكپەن باسقارا الاتىن، وزىندىك تالعامى مەن تالابىن كورسەتە العان بەلسەندى، جاڭاشىل ۇستاز دەپ بىلەدى. ا.ءباستاميدىڭ ءوزى ەڭبەكتىڭ جەمىسى مەن شاكىرتتەرىنىڭ جەتىستىكتەرى قالانىڭ تىنىس-تىرشىلىگى جانە تۇرعىنداردىڭ مەيىرىمدىلىگىمەن بايلانىستىرادى.
–بالا كۇنىمىزدەن شىمكەنت تۋرالى تەك ستەروتيۆ ويدا بولدىق. بۇل قالاعا كەلمەگەن، حالقىمەن ارالاسپاعان ادام شاھاردىڭ شىنايى بەينەسىن بىلە الماسا كەرەك-ءتى. وقۋشىلارىمنىڭ اتا-اناسى ارقىلى جەرگىلىكتى تۇرعىنداردى تانىدىم. قالاعا كەلمەي تۇرعانداعى قالىپتاسقان ويىمنىڭ قاتە ەكەنىنە كوز جەتكىزدىم. قوناقجاي، ەڭبەكقور، حالقىنىڭ جۇزىنەن مەيىرىم توگىلىپ تۇراتىن شىمكەنت – بارلىق الەۋەتىڭدى اشاتىن ەرەكشە قالا.
وقۋ ۇدەرىسىنە شاكىرتتەرىنىڭ قىزىعۋشىلىعىن ارتتىرۋ ماقساتىندا تىنباي ەڭبەك ەتىپ كەلگەن جاس ءۇستازدىڭ ءوزى دە ادىستەمەلىك تۇرعىدان ۇنەمى ىزدەنىستە جۇرەدى.
ۇستازدىق جولىن باستاعانىنا كوپ جىل بولا قويماعان ا.باستاميدىڭ ەڭبەگى ەلەۋسىز قالمادى. 2018 جىلى 2017-2018 جىلدىڭ «جىل سىنىپ جەتەكشىسى»، «دارىن » رەسپۋبليكالىق عىلىمي-پراكتيكالىق ورتالىعىنىڭ العىس حاتتارى مەن 2020 جىلى قر ءبىلىم جانە عىلىم ءمينيسترىنىڭ «قۇرمەت گرامموتاسى» تابىستالدى.
شىمكەنت قالاسى اكىمدىگىنىڭ ءباسپاسوز قىزمەتى
