شىمكەنت قالاسىنىڭ 55 جاستاعى تۇرعىنى عالىمجان سىزدىقبەك كوروناۆيرۋستىڭ اۋىر ءتۇرىن جەڭىپ شىقتى.
ەكى وكپەسى قابىنعان ازامات 7-ءشى قىركۇيەك كۇنى اسار شاعىناۋدانىنداعى جۇقپالى اۋرۋلار ورتالىعىنا جەدەل جاردەم كولىگىمەن اۋىر حالدە جەتكىزىلگەن. دارىگەرلەر ەر كىسىنىڭ جاعدايىنىڭ اۋىر بولۋىنا بايلانىستى ونى جانساقتاۋ بولىمىنە جاتقىزعان.
مەديتسينا ماماندارى ناۋقاسقا وكپەنىڭ كومپيۋتەرلىك توموگرافياسىن جاساپ، قوس وكپەسى قابىنعانىن انىقتاعان. بۇعان قوسا كوروناۆيرۋس ينفەكتسياسى وڭ ناتيجە كورسەتكەن. كومپيۋتەرلىك توموگرافيا ناتيجەسىندە وكپەسىنىڭ 90-پايىزى زاقىمدالعانى انىقتالىپ، ساتۋراتسياسى 80-گە دەيىن تومەن بولعان. جانساقتاۋ بولىمىندە ناۋقاس وزدىگىمەن دەم الا الماي، اپپاراتقا قوسىلعان.
– تۇسكەن كەزدە جاعدايى وتە اۋىر بولدى. ساتۋراتسياسى 80-گە دەيىن ءتۇسىپ كەتكەن. كت-دا 90-پايىز وكپەسى زاقىمدالعانىن كوردىك. جانساقتاۋ بولىمىندە انتيكوگۋليانتتى، ۆيرۋسقا قارسى، انتيباكتەريالدى ەم الدى. سونىمەن قوسا نيۆل اپپاراتىنا قوسىلدى. ديناميكالىق ەمنىڭ ارقاسىندا قايتا كت-ناتيجەسىندە وكپە قابىنۋى 40-پايىزعا دەيىن تومەندەدى. قازىر جاعدايى جاقسى، پالاتاعا اۋىستىردىق، – دەيدى ينفەكتسيونيست-دارىگەر بەكزات بەگاسىلۇلى.
كوروناۆيرۋستىڭ اۋىر ءتۇرىن جەڭىپ شىققان ازاماتتىڭ قازىر دەنساۋلىعى جاقسى. جاعدايى جاقسارعان ازاماتتى دارىگەرلەر ۇيىنە شىعارماق.
شىمكەنت قالاسى اكىمدىگىنىڭ ءباسپاسوز قىزمەتى
