قالا اكىمى مۇرات ايتەنوۆ ءبىلىم باسقارماسىنىڭ توعىز ايدا اتقارعان جۇمىستارىنىڭ ەسەبىن قابىلدادى.
باسقارما باسشىسى ج.تاجيەۆانىڭ ايتۋىنشا، ەسەپتى مەرزىمدە سالالىق مەملەكەتتىك باعدارلاما كورسەتكىشتەرىنىڭ ورىندالۋى 86,9%-عا جەتسە، «جوبالىق كەڭسە» پلاتفورماسىنىڭ ينديكاتورلارى – 100% ورىندالعان.
قالا بويىنشا 782 ءبىلىم بەرۋ ۇيىمدارى قىزمەت اتقارادى. ونىڭ ىشىندە 526 – مەكتەپكە دەيىنگى مەكەمەلەر، 202 – ورتا ءبىلىم بەرۋ ۇيىمدارى، 32 – تەحنيكالىق جانە كاسىبي ءبىلىم بەرۋ مەكەمەلەرى بار.
كادرلىق قۇرام بويىنشا 28 519 پەداگوگ ەڭبەك ەتۋدە. بىلىكتىلىك دەڭگەيى بار پەداگوگتار ۇلەسىن 59,5%-عا جەتكىزۋ جوسپارلانسا، ناقتى 12 208 پەداگوگتىڭ بىلىكتىلىك دەڭگەيى ارتتىرىلىپ، كورسەتكىش 67,3%-عا جەتكەن.
«مەكتەپكە دەيىنگى تاربيە جانە وقىتۋ» ماماندىعى بار پەداگوگتاردىڭ سانى 2886 ادامعا جەتىپ، جوسپار 100%-عا ورىندالعان.
قالا بويىنشا 5 771 پەداگوگ مامانداردىڭ بىلىكتىلىگى ارتتىرىلدى. پەداگوگتاردىڭ قۇقىقتارى جونىندەگى ادەپ كەڭەستەرى قۇرىلعان. قالامىزدا 17 ءپان بويىنشا ءپان مۇعالىمدەرىنىڭ قاۋىمداستىقتارى قۇرىلىپ، كادرلىق رەزەرۆ ينستيتۋتتارى جاساقتالعان.
پەداگوگيكالىق ۋنيۆەرسيتەتتەرمەن مەموراندۋمدار ءتۇزىلىپ، «YouTube» ارناسىندا پەداگوگتار ءۇشىن ۇزدىك ساباقتار جيناعى تۇزىلگەن. پەداگوگتاردىڭ تسيفرلىق ساۋاتتىلىعى كورسەتكىشى 100%-عا جەتكەن.
قالامىزدا پەداگوگتاردى جۇمىسقا قابىلداۋ «HR-Process» اقپاراتتىق جۇيەسى ارقىلى اۆتوماتتاندىرىلعان. بۇگىنگى كۇنگە دەيىن 2 144 بوس جۇمىس ورىندارى جاريالانىپ، جۇمىسقا قابىلدانعان 1 198 پەداگوگتىڭ 385-ءى – ۇزدىك ديپلوم يەگەرى، 180 ازاماتتىڭ – ماگيستر عىلىمي دارەجەسى بار، 27 پەداگوگ – شەت ەلدىك وقۋ ورىندارىن بىتىرگەن.
قالا اكىمى ءبىلىم ساپاسىن ارتتىرۋدىڭ ماڭىزدىلىعىن ايتتى. ساپالى بىلىمگە پەداگوگ كادرلاردىڭ الەۋەتىن كوتەرۋ ارقىلى جەتەتىندىگىن ەسكەرتىپ، پەداگوگتاردى جۇمىسقا قابىلداۋ ۇدەرىسىنىڭ اۆتوماتتاندىرىلۋى ءوز تيىمدىلىگىن كورسەتىپ جاتقاندىعىن نازارعا الدى. وسى باعىتتاعى جۇمىستاردى جۇيەلى تۇردە جالعاستىرۋدى تاپسىردى.
شىمكەنت قالاسى اكىمدىگىنىڭ ءباسپاسوز قىزمەتى
