Qala ákimi Murat Áıtenov bilim basqarmasynyń toǵyz aıda atqarǵan jumystarynyń esebin qabyldady.
Basqarma basshysy J.Tájıevanyń aıtýynsha, esepti merzimde salalyq memlekettik baǵdarlama kórsetkishteriniń oryndalýy 86,9%-ǵa jetse, «Jobalyq keńse» platformasynyń ındıkatorlary – 100% oryndalǵan.
Qala boıynsha 782 bilim berý uıymdary qyzmet atqarady. Onyń ishinde 526 – mektepke deıingi mekemeler, 202 – orta bilim berý uıymdary, 32 – tehnıkalyq jáne kásibı bilim berý mekemeleri bar.
Kadrlyq quram boıynsha 28 519 pedagog eńbek etýde. Biliktilik deńgeıi bar pedagogtar úlesin 59,5%-ǵa jetkizý josparlansa, naqty 12 208 pedagogtyń biliktilik deńgeıi arttyrylyp, kórsetkish 67,3%-ǵa jetken.
«Mektepke deıingi tárbıe jáne oqytý» mamandyǵy bar pedagogtardyń sany 2886 adamǵa jetip, jospar 100%-ǵa oryndalǵan.
Qala boıynsha 5 771 pedagog mamandardyń biliktiligi arttyryldy. Pedagogtardyń quqyqtary jónindegi Ádep keńesteri qurylǵan. Qalamyzda 17 pán boıynsha pán muǵalimderiniń qaýymdastyqtary qurylyp, kadrlyq rezerv ınstıtýttary jasaqtalǵan.
Pedagogıkalyq ýnıversıtettermen memorandýmdar túzilip, «YouTube» arnasynda pedagogtar úshin úzdik sabaqtar jınaǵy túzilgen. Pedagogtardyń ıfrlyq saýattylyǵy kórsetkishi 100%-ǵa jetken.
Qalamyzda pedagogtardy jumysqa qabyldaý «HR-Process» aqparattyq júıesi arqyly avtomattandyrylǵan. Búgingi kúnge deıin 2 144 bos jumys oryndary jarııalanyp, jumysqa qabyldanǵan 1 198 pedagogtyń 385-i – úzdik dıplom ıegeri, 180 azamattyń – magıstr ǵylymı dárejesi bar, 27 pedagog – shet eldik oqý oryndaryn bitirgen.
Qala ákimi bilim sapasyn arttyrýdyń mańyzdylyǵyn aıtty. Sapaly bilimge pedagog kadrlardyń áleýetin kóterý arqyly jetetindigin eskertip, pedagogtardy jumysqa qabyldaý úderisiniń avtomattandyrylýy óz tıimdiligin kórsetip jatqandyǵyn nazarǵa aldy. Osy baǵyttaǵy jumystardy júıeli túrde jalǵastyrýdy tapsyrdy.
Shymkent qalasy ákimdiginiń baspasóz qyzmeti
