115 سپورت الاڭشاسى پايدالانۋعا بەرىلەدى

1708
Adyrna.kz Telegram

مەملەكەت باسشىسىنىڭ تاپسىرماسىنا سايكەس، شىمكەنت قالاسى تۇرعىندارىن بۇقارالىق سپورتقا باۋلۋ، سالاۋاتتى ءومىر سالتىن ناسيحاتتاۋ ماقساتىندا كوپ قاباتتى ۇيلەردىڭ اۋلاسى مەن شالعاي ەلدى مەكەندەردە اشىق سپورت الاڭدارى سالىنۋدا. يگى ىسكە دەمەۋشىلەر دە اتسالىسۋدا.

ءال-فارابي اۋدانىندا بيىل 32 سپورت الاڭشاسىن سالۋ جوسپارلانعان. ونىڭ 7-ءى دەمەۋشى ەسەبىنەن، قالعان 25-ءى بيۋدجەت قارجىسىنا.
بۇگىنگە دەيىن دەمەۋشىلەر ەسەبىنەن 4 سپورت الاڭشاسى قولدانىسقا بەرىلگەن. ولار: قالداياقوۆ كوشەسى №4/5, الىمبەتوۆ كوشەسى 45ۆ، «وتىرار» ش/ا.، №52 جانە «تەكەسۋ» تۇرعىن الابىندا ورنالاسقان. ال بيۋدجەت قارجىسىنا سالىناتىن 25 سپورت الاڭشاسى جىل سوڭىنا دەيىن پايدالانۋعا بەرىلمەك.

اباي اۋدانىندا وسى جىلى 35 سپورت الاڭشاسى ورناتىلىپ، 12 سپورت الاڭى اعىمداعى جوندەۋدەن وتەدى. وعان قوسا دەمەۋشىلەر ەسەبىنەن 4 سپورت الاڭشاسى سالىنىپ، پايدالانۋعا بەرىلدى.

ەڭبەكشى اۋدانىندا بيىل 15 سپورت الاڭشاسىن ورناتۋ جوسپارلانعان. بۇگىنگە دەيىن دەمەۋشىلەر ەسەبىنەن 1 اشىق سپورت الاڭشاسى پايدالانۋعا بەرىلگەن. قازىر 14 سپورت الاڭىن سالۋ ءجۇمىسى قارقىن الىپ، جىل سوڭىنا دەيىن قولدانىسقا بەرىلمەك.

قاراتاۋ اۋدانىندا 2021 جىلى 29 سپورت الاڭىن سالۋ كوزدەلگەن. ونىڭ 2-ءى دەمەۋشىلەر ەسەبىنەن. دەمەۋشىلەر سالعان سپورت الاڭشاسى پايدالانۋعا بەرىلگەن. بيۋدجەت قارجىسىنا قارالعان 27 الاڭدى سالۋ جۇمىسى قاراشا ايىنان باستاپ قولدانىسقا بەرىلە باستايدى.

حالىقتى سپورتقا باۋلۋ ونىڭ قولجەتىمدىلىگىنە تىكەلەي بايلانىستى.

پىكىرلەر