Memleket basshysynyń tapsyrmasyna sáıkes, Shymkent qalasy turǵyndaryn buqaralyq sportqa baýlý, salaýatty ómir saltyn nasıhattaý maqsatynda kóp qabatty úılerdiń aýlasy men shalǵaı eldi mekenderde ashyq sport alańdary salynýda. Igi iske demeýshiler de atsalysýda.
Ál-Farabı aýdanynda bıyl 32 sport alańshasyn salý josparlanǵan. Onyń 7-i demeýshi esebinen, qalǵan 25-i bıýdjet qarjysyna.
Búginge deıin demeýshiler esebinen 4 sport alańshasy qoldanysqa berilgen. Olar: Qaldaıaqov kóshesi №4/5, Álimbetov kóshesi 45v, «Otyrar» sh/a., №52 jáne «Tekesý» turǵyn alabynda ornalasqan. Al bıýdjet qarjysyna salynatyn 25 sport alańshasy jyl sońyna deıin paıdalanýǵa berilmek.
Abaı aýdanynda osy jyly 35 sport alańshasy ornatylyp, 12 sport alańy aǵymdaǵy jóndeýden ótedi. Oǵan qosa demeýshiler esebinen 4 sport alańshasy salynyp, paıdalanýǵa berildi.
Eńbekshi aýdanynda bıyl 15 sport alańshasyn ornatý josparlanǵan. Búginge deıin demeýshiler esebinen 1 ashyq sport alańshasy paıdalanýǵa berilgen. Qazir 14 sport alańyn salý júmysy qarqyn alyp, jyl sońyna deıin qoldanysqa berilmek.
Qarataý aýdanynda 2021 jyly 29 sport alańyn salý kózdelgen. Onyń 2-i demeýshiler esebinen. Demeýshiler salǵan sport alańshasy paıdalanýǵa berilgen. Bıýdjet qarjysyna qaralǵan 27 alańdy salý jumysy qarasha aıynan bastap qoldanysqa berile bastaıdy.
Halyqty sportqa baýlý onyń qoljetimdiligine tikeleı baılanysty.
