ماڭعىستاۋ وبلىسىندا 63 مىڭ ليتر اۆياتسيالىق وتىن جىمقىرىلعانى انىقتالدى، دەپ حابارلايدى «ادىرنا» ءتىلشىسى.
«اقتاۋ حالىقارالىق اۋەجايى» اق ججم قىزمەتىنىڭ جۇرگىزۋشىسى ا.ابدىكامالوۆتى اۆياتسيالىق وتىندى زاڭسىز ساتۋ ارەكەتى كەزىندە ۇستادى. تەرگەۋ بارىسىندا ول اۋەجايدىڭ ججم قويماسىنىڭ مەڭگەرۋشىسى م.چاپاەۆپەن بىرگە اۆياتسيالىق وتىندى (كەروسيندى) ۇرلاۋدى ۇيىمداستىرعانى انىقتالدى»،– دەلىنگەن حابارلامادا.
الىاساتارلار كەروسيننىڭ ءليترىن 120 تەڭگەدەن، ال وتىندى موتور مايىمەن ارالاستىرىپ، ءۇشىنشى تۇلعالارعا 150-160 تەڭگەدەن ساتقان.
ايتا كەتەيىك، قىزمەتكەرلەر 3 جىلعا باس بوستاندىعىن شەكتەۋ جازاسىنا تارتىلدى.
«ادىرنا» ۇلتتىق پورتالى
