شىمكەنت قالاسىنداعى №2 اۋرۋحانا دəرىگەرلەرى كوروناروگرافيا əدىسىمەن جۇرەك اۋرۋى بار ناۋقاسقا العاش رەت دياگنوستيكا جاسادى. كۇردەلى وتا اۋرۋحانانىڭ باس دارىگەرىنىڭ مىندەتىن ۋاقىتشا اتقارۋشى رەنتگەن-حيرۋرگ اسقار راحماتاليەۆتىڭ جەتەكشىلىگىمەن ءوتتى. اۋرۋحانا بازاسىندا العاش رەت جاسالعان وتا كەزىندە بىلىكتى ماماندار جۇرەككە جىڭىشكە كاتەتەر جىبەرىپ، شاشتىڭ قىلىنداي عانا قان تامىرداعى اقاۋدى دەر كەزىندە انىقتادى. اۋرۋحانا دارىگەرلەرى جۇرەك-قان تامىرىنداعى اقاۋدى تولىق انىقتايتىن كوروناروگرافيا ءəدىسىن ءساتتى ىسكە اسىردى. كوروناروگرافيا مامانداندىرىلعان وپەراتسيالىق بولمەدە رەنتگەن ساۋلەلەرىنىڭ باقىلاۋىمەن جاسالادى. رەنتگەندە قان جانە ونىڭ تامىرلارداعى قوزعالىسى كورىنبەيدى، ال رەنتگەنكونتراستى ەرىتىندى قانمەن ارالاسىپ تەك قانا ونى كورسەتپەي، بۇكىل كورونارلى قان تامىردىڭ ىشكى ءپىشىنىن كورسەتەدى. بۇل دۇرىس دياگنوز قويۋعا مۇمكىندىك بەرەدى. مەديتسينا مەكەمەسىندە كارديولوگيا سالاسىنداعى ەمدەۋ جۇمىستارىن ودان ءارى كەڭەيتۋ، جۇرەك اۋرۋىنا شالدىققان ناۋقاستارعا جوعارى مامانداندىرىلعان دياگنوستيكالىق تەكسەرۋ مەن ەمدەۋ مۇمكىندىگىن ارتتىرىپ، جۇرەك-قان تامىرلارىنان پايدا بولاتىن ءولىم-ءجىتىم كورسەتكىشىن ازايتپاق نيەتتە. ول ءۇشىن اۋرۋحانادا بىلىكتى ماماندارمەن قاتار، قاجەتتى زاماناۋي تەحنيكالىق جابدىقتاردىڭ بارلىعى بار. – №2 اۋرۋحانا بازاسىندا ەكى ناۋقاسقا كوروناروگرافيا جاسادىق. ناۋقاستاردىڭ ءبىرى ون جىل بۇرىن جۇرەگىنە اورتا كورونارلىق شۋنت وتاسى جاسالىپ، ستەنت قويعان. سول ستەنت قويعاننان كەيىنگى تامىرداعى وزگەرىستەرگە ناقتى دياگنوستيكا جاسادىق. ال ەكىنشى ناۋقاستىڭ جۇرەك ىرعاعىنىڭ بۇزىلىسى بولعاندىقتان جۇرەك قان-تامىرلارىنداعى پاتولوگيانى انىقتاي الدىق. ناتيجەسىندە وپەراتسيالىق جولمەن جاسالعان دياگنوستيكالىق تەكسەرۋدەن كەيىن قوس ناۋقاسقا دا كونسەرۆاتيۆتى ەمدەۋ تاعايىندالدى. اۋرۋحانادا كارديولوگيا سالاسىن دامىتۋ ءۇشىن باسقا دا رەسپۋبليكالىق دەڭگەيدەگى ەمدەۋ مەكەمەسىنەن جوعارى تاجىريبەلى مامانداردى شاقىرتتىق. بىلىكتى ماماندار جاساقتالىپ، قازىر وسى سالانى دامىتۋ جاعىن مىقتاپ قولعا الدىق، – دەيدى اۋرۋحانانىڭ باس دارىگەرى م.ۋ.ا. اسقار راحماتاليەۆ. شىمكەنت قالالىق №2 اۋرۋحانا - قالاداعى كوپ بەيىندى، باسەكەگە قابىلەتتى ۇيىم. اۋرۋحانا بازاسىندا اشىلعان كارديولوگيا بولىمشەسىندەگى توسەك-ورىن سانى قازىر 22-گە كوبەيتىلگەن. بۇرىن سوزىلمالى جۇرەك اۋرۋىن عانا ەمدەيتىن ورتالىق ەندى وزگە دە جۇرەك دەرتتەرىن ەمدەپ، كارديولوگيا باعىتىندا كۇردەلى وتالار جاساپ جاتىر.
باسقا ماتەريالدار
Adyrna.kz ұлттық порталының маңызды ақпараттарына жазылу
Соңғы жаңалықтар туралы хабардар болыңыз