قازاقستان رەسپۋبليكاسى تاۋەلسىزدىگىنىڭ 30 جىلدىعى اياسىندا ىستانبۇل قالاسىندا دۇنيەجۇزى قازاقتارى قاۋىمداستىعىنىڭ «جاھاندانۋ وركەنيەتىندەگى قازاق الەمى» اتتى كىشى قۇرىلتايى ءوتتى.
الىستاعى اعايىننىڭ القالى ءماجىلىسى باستالماس بۇرىن جەرگىلىكتى بيلىك وكىلدەرى مەن كىشى قۇرىلتاي دەلەگاتتارى جانە قالا تۇرعىندارى تۇرىك پەن قازاققا ورتاق تۇلعا مۇستافا وزتۇرىك اتىنداعى ساياباقتىڭ اشىلۋ سالتاناتىنا قاتىستى.
ساياباق قازاقستاننىڭ تۇركياداعى ەلشىلىگى مەن ىستانبۇلداعى باس كونسۋلدىعىنىڭ ۇيىتقى بولۋىمەن جاسالعان.
اشىلۋدا ىستانبۇل قالاسىنىڭ 800 مىڭ حالقى بار باعجىلار اۋدانىنىڭ اكىمى لوكمان چاعىرىجى، قازاقستان رەسپۋبليكاسىنىڭ ىستانبۇلداعى باس كونسۋلى ءالىم بايەل، دۇنيەجۇزى قازاقتارىنىڭ قاۋىمداستىعى توراعاسىنىڭ ءبىرىنشى ورىنباسارى زاۋىتبەك تۇرىسبەكوۆ ءسوز سويلەپ، داڭقتى سپورتشىنىڭ ەسكەرتكىشى ورناتىلعان ساياباقتىڭ لەنتاسىن قيدى.
ءىس-شاراعا م. وزتۇرىكتىڭ قارىنداسى پەريحان مەن گەرمانيادا تۇراتىن قىزى نەسليحان دا قاتىستى.
