جاستارمەن ەركىن جۇزدەسۋ ءوتتى

1531
Adyrna.kz Telegram

شىمكەنت قالالىق جاستار رەسۋرستىق ورتالىعى ەڭبەكشى اۋداندىق بولىمشەسىنىڭ رەسمي اشىلۋ ءراسىمى ءوتتى. جيىنعا قاتىسقان اۋدان اكىمى دوسبول ەسىلبەك، اۋدان اكىمىنىڭ ورىنباسارى دوسالى امانگەلديەۆ، شىمكەنت قالاسى ىشكى ساياسات، وتباسى جانە جاستار ءىسى جونىندەگى باسقارما باسشىسىنىڭ ورىنباسارى بەكسۇلتان ءادىلحانوۆ، قالالىق جاستار رەسۋرستىق ورتالىعىنىڭ ديرەكتورى ەرلان ايتباەۆ جاستارمەن كەزدەستى.

قوناقتارعا بولىمشەنىڭ قىزمەت اتقارۋ مۇمكىندىكتەرى تانىستىرىلىپ، الداعى ۋاقىتتا اتقارىلار ءىس-شارالاردىڭ جوسپارى باياندالدى.

دوسبول كۇزدىكبايۇلىنىڭ ايتۋىنشا، قازىرگى تاڭدا جاستار ساياساتىنا جەتكىلىكتى كوڭىل ءبولىنىپ كەلەدى. وسىنداي جاستار بولىمشەلەرىنىڭ جۇمىسى قالا اكىمىنىڭ تىكەلەي باقىلاۋىندا جۇزەگە اسىرىلۋدا. "جاستاردى جۇمىسپەن قامتىپ، قوعامدىق شارالارعا بەلسەنە جۇمىلدىرۋ ماسەلەسى باستى نازاردا تۇر" دەدى باسقارما باسشىسىنىڭ ورىنباسارى بەكسۇلتان ءادىلحانوۆ.

ەركىن فورماتتا وتكەن كەزدەسۋدە جاستار وزدەرىن تولعاندىرعان سۇراقتارىن قويىپ، جاۋاپ الدى. اۋدان اكىمى ءوز تاجىريبەسىمەن ءبولىسىپ، جاستارعا اقىل-كەڭەسىن بەردى.

پىكىرلەر