Shymkent qalalyq jastar resýrstyq ortalyǵy Eńbekshi aýdandyq bólimshesiniń resmı ashylý rásimi ótti. Jıynǵa qatysqan aýdan ákimi Dosbol Esilbek, aýdan ákiminiń orynbasary Dosaly Amangeldıev, Shymkent qalasy ishki saıasat, otbasy jáne jastar isi jónindegi basqarma basshysynyń orynbasary Beksultan Ádilhanov, qalalyq jastar resýrstyq ortalyǵynyń dırektory Erlan Aıtbaev jastarmen kezdesti.
Qonaqtarǵa bólimsheniń qyzmet atqarý múmkindikteri tanystyrylyp, aldaǵy ýaqytta atqarylar is-sharalardyń jospary baıandaldy.
Dosbol Kúzdikbaıulynyń aıtýynsha, qazirgi tańda jastar saıasatyna jetkilikti kóńil bólinip keledi. Osyndaı jastar bólimsheleriniń jumysy qala ákiminiń tikeleı baqylaýynda júzege asyrylýda. "Jastardy jumyspen qamtyp, qoǵamdyq sharalarǵa belsene jumyldyrý máselesi basty nazarda tur" dedi basqarma basshysynyń orynbasary Beksultan Ádilhanov.
Erkin formatta ótken kezdesýde jastar ózderin tolǵandyrǵan suraqtaryn qoıyp, jaýap aldy. Aýdan ákimi óz tájirıbesimen bólisip, jastarǵa aqyl-keńesin berdi.
