شىمكەنتتە «تاۋەلسىزدىك بابالار اماناتى» اتتى جاس اقىندار بايقاۋى باستالدى

1721
Adyrna.kz Telegram

شىمكەنتتەگى قاراتاۋ ءداستۇرلى ونەر مەكتەبىندە رەسپۋبليكالىق «كۇمىس قالام» اتتى پوەتيكالىق دۋەل ءوتىپ جاتىر. ەل تاۋەلسىزدىگىنىڭ 30 جىلدىعى اياسىندا ۇيىمداستىرىلعان جىر ءمۇشايراسىنا 20 جازبا اقىن قاتىسۋدا.
پوەتيكالىق دۋەلدىڭ بەتاشار ءسوزىن قالا اكىمىنىڭ ءبىرىنشى ورىنباسارى شىڭعىس مۇقان ايتىپ، جاس قالامگەرلەرگە ساتتىلىك تىلەدى.

پوەزيالىق كەش 4 كەزەڭنەن تۇرادى. ءبىرىنشى كەزەڭدە 20 اقىن ءبىر-ءبىر ولەڭنەن وقيدى. شيرەك فينالدىق كەزەڭگە 12 اقىن جولداما الادى. ياعني، 6 جۇپ ونەر كەرسەتىپ، ءار اقىن 2 ولەڭنەن وقيدى. جەڭىمپازدارعا جارتىلاي فينالعا جولداما بەرىلىپ، 3 (6 اقىن) جۇپ ونەر كورسەتەدى. ءار اقىن 3 ولەڭنەن وقيدى. جەڭىمپاز اتانعان 2 اقىن فينالدا جولىعادى. ال قالعان 4-ەۋى ادەبي سىيلىقتىڭ لاۋرەاتى اتانادى.

سونداي-اق فينالدىق كەزەڭدەگى ەكى اقىن 5 ولەڭنەن وقيدى. فينالدىڭ جەڭىمپازى «كۇمىس قالام» يەسى، ال فيناليست ءبىر اقىن ادەبي سىيلىقتىڭ لاۋرەاتى اتانادى.

ال اقىندارعا ءوز باعاسىن بەرىپ، قازىلىق ەتەتىن ءادىل-قازى القاسى: اقىن، قازاقستان جازۋشىلار وداعى باسقارما توراعاسىنىڭ ورىنباسارى باقىت بەدەلحان، اقىن، قر ەڭبەك سىڭىرگەن قايراتكەرى ءحانبيبى ەسەنقاراقىزى، اقىن، قر جازۋشىلار وداعىنىڭ مۇشەسى باقىتجان الديار، اقىن، اۋدارماشى، «قاراتاۋ» ءداستۇرلى ونەر مەكتەبىنىڭ ۇستازى اباي قالشابەك، اقىن، «ايتىس اقىندارى مەن جىرشى-تەرمەشىلەردىڭ حالىقارالىق وداعىنىڭ» مۇشەسى بەكمۇرات انارباەۆ جەڭىمپازداردى انىقتايتىن بولادى.

ازامات جاپپار
فوتو سەرىك قوساەۆ

پىكىرلەر