Shymkentte «Táýelsizdik babalar amanaty» atty jas aqyndar baıqaýy bastaldy

1722
Adyrna.kz Telegram

Shymkenttegi Qarataý dástúrli óner mektebinde respýblıkalyq «Kúmis qalam» atty poetıkalyq dýel ótip jatyr. El táýelsizdiginiń 30 jyldyǵy aıasynda uıymdastyrylǵan jyr músháırasyna 20 jazba aqyn qatysýda.
Poetıkalyq dýeldiń betashar sózin qala ákiminiń birinshi orynbasary Shyńǵys Muqan aıtyp, jas qalamgerlerge sáttilik tiledi.

Poezııalyq kesh 4 kezeńnen turady. Birinshi kezeńde 20 aqyn bir-bir óleńnen oqıdy. Shırek fınaldyq kezeńge 12 aqyn joldama alady. Iaǵnı, 6 jup óner kersetip, ár aqyn 2 óleńnen oqıdy. Jeńimpazdarǵa jartylaı fınalǵa joldama berilip, 3 (6 aqyn) jup óner kórsetedi. Ár aqyn 3 óleńnen oqıdy. Jeńimpaz atanǵan 2 aqyn fınalda jolyǵady. Al qalǵan 4-eýi ádebı syılyqtyń laýreaty atanady.

Sondaı-aq fınaldyq kezeńdegi eki aqyn 5 óleńnen oqıdy. Fınaldyń jeńimpazy «Kúmis qalam» ıesi, al fınalıst bir aqyn ádebı syılyqtyń laýreaty atanady.

Al aqyndarǵa óz baǵasyn berip, qazylyq etetin ádil-qazi alqasy: aqyn, Qazaqstan Jazýshylar odaǵy basqarma tóraǵasynyń orynbasary Baqyt Bedelhan, aqyn, QR Eńbek sińirgen qaıratkeri Hanbıbi Esenqaraqyzy, aqyn, QR jazýshylar odaǵynyń múshesi Baqytjan Aldııar, aqyn, aýdarmashy, «Qarataý» dástúrli óner mektebiniń ustazy Abaı Qalshabek, aqyn, «Aıtys aqyndary men jyrshy-termeshilerdiń halyqaralyq odaǵynyń» múshesi Bekmurat Anarbaev jeńimpazdardy anyqtaıtyn bolady.

Azamat JAPPAR
FOTO Serik QOSAEV

Pikirler