ءۇشىنشى مەگاپوليستە ەل تاۋەلسىزدىگىنىڭ 30 جىلدىعىنا وراي «تاۋەلسىزدىك –بابالار اماناتى» اتتى جاس اقىندار اراسىنداعى ونەر دوداسىنىڭ ەكىنشى كۇنى رەسپۋبليكالىق «كۇمىس دومبىرا» ايتىسىمەن جالعاسۋدا.
قاراتاۋ ءداستۇرلى ونەر مەكتەبىندەگى ءسوز دوداسىنا ەلىمىزدىڭ ءار وڭىرىنەن جينالعان 16 اقىن قاتىسىپ وتىر.
ايتىستا ءسوز العان قالا اكىمىنىڭ ءبىرىنشى ورىنباسارى شىڭعىس مۇقان ايتىسكەرلەرگە ساتتىلىك تىلەدى.
– شىمشاھاردا ايتىس ونەرى قايتا جاڭعىرىپ جاتىر. ناۋرىزدا الامان ايتىس وتسە، جاقىندا عانا اشىلعان قاراتاۋ ءداستۇرلى ونەر مەكتەبىنىڭ ۇسىنىسىمەن «كۇمىس دومبىرا» ءسوز دوداسىن ۇيىمداستىرىپ وتىرمىز. ازاتتىقتىڭ اق تاڭى اتقالى ايتىس ونەرى ۇلتتىق مادەنيەتىمىزدىڭ باعا جەتپەس اسىل مۇراسى رەتىندە كەڭىنەن ناسيحاتتالىپ كەلەدى. وسى ورايدا كيەلى ونەردىڭ دامۋىنا مەملەكەتتىك دەڭگەيدە قولداۋ كورسەتىلىپ وتىرعانىن ايتا كەتكەنىمىز ءجون. بۇل ايتىس تاۋەلسىزدىگىمىزدىڭ 30 جىلدىعىندا جەتكەن جەتىستىكتەرىن ناسيحاتتاۋ، جاس اقىنداردىڭ ىشكى مۇمكىندىكتەرىن اشىپ، شابىتتارىنا قانات ءبىتىرۋ ماقساتىندا ءوتىپ جاتقانىن دا ايتىپ وتكىم كەلەدى، - دەدى ول.
ال الامان ءسوز دوداسىندا بەلگىلى ايتىسكەر اقىندار ءادىل باعاسىن بەرىپ، قازىلىق ەتۋدە. اتاپ وتسەك، ب.شويبەكوۆ، م.ەسجانوۆا، ك.ورالوۆا، م.نيازوۆ سىندى ايتىستىڭ جۇيرىكتەرى مەن بەلگىلى جۋرناليست، "شىمكەنت كەلبەتى" "پانوراما شىمكەنتا" گازەتتەرىنىڭ باس رەداكتورى ب.تايجان قازىلار القاسى قۇرامىنان تابىلدى.
ا.جادىگەرۇلى
فوتو سەرىك قوساەۆ
