شىمكەنتتەگى №74 جالپى ورتا ءبىلىم بەرەتىن مەكتەبىندە قازاقستان رەسپۋبليكاسى تاۋەلسىزدىگىنىڭ 30 جىل تولۋىنا وراي، سپورتتىق الاڭشا اشىلدى.
سپورت الاڭشاسىنىڭ سالتاناتتى اشىلۋ راسىمىنە مەكتەپ ديرەكتورى ءنۇريپا اۋەلقىزى جانە قامقورشىلىق كەڭەسىنىڭ توراعاسى تولەمىس ەلىبەك حۋديارۇلى، «كوركەم اجەلەر» توبىنىڭ مۇشەسى انيپا يسكاكوۆا جانە اتا-انالار مەن جەرگىلىكتى تۇرعىندار قاتىستى.
جاڭادان اشىلعان سپورت الاڭشاسىندا ەندى بالالاردىڭ الاڭسىز سپورتپەن شۇعىلدانۋىنا مۇمكىندىگى بار. بۇدان بولەك مەكتەپتە بىرنەشە سپورت ۇيىرمەلەرى جۇمىس ىستەيدى. ۇيىرمە جەتەكشىلەرىنىڭ ايتۋىنشا، جاڭادان اشىلعان سپورت نىسانى ارقىلى ۆولەيبول مەن كىشى فۋتبولدى دامىتۋعا بولادى. مۇنىڭ بارلىعى دا بالالاردىڭ بولاشاعى ءۇشىن جاسالىپ وتىرعان يگى ءىس. ءبىلىم نارىمەن سۋسىنداعان، دەنى ساۋ ۇرپاق ەرتەڭگى ەل جۇگىن كوتەرەر ازامات بولارى حاق.
