قالا اكىمى مۇرات ايتەنوۆ ارالاعان تاعى ءبىر مەكتەپ ج.ايماۋىتوۆ اتىنداعى №64 مەكتەپ-گيمنازياسى. بۇل ءبىلىم مەكەمەسى قالادا العاش رەت ۇيىمداستىرىلعان «جاستار ليگاسىندا» ۆولەيبولدان ءبىرىنشى ورىندى العان.
ءبىلىم ورداسىنىڭ وقۋشىلارى 20 ملن تەڭگە قارجىلاي سىيلىقتى مەكتەپكە سىيلاپ، ول قارجىعا «شىمكەنت – قايىرىمدى قالا» قورى ارقىلى مەكتەپتىڭ ماتەريالدىق-تەحنيكالىق بازاسىن نىعايتۋ ماقساتىندا 12 دانا جىلجىمالى ينتەراكتيۆتى پانەل الىندى.
اكىم وقۋشىلاردىڭ بۇل يگى ىسىنە ريزاشىلىعىن ءبىلدىرىپ، الداعى ۋاقىتتا دا سپورتتىق جارىستاردا الدىڭعى قاتاردان كورىنەتىندەرىنە سەنىمدى ەكەنىن جەتكىزدى. ءوز كەزىندە بالالار كەلەر جىلىدا سپورتتىق جارىسقا قاتىساتىندارىن ايتىپ، ءبىلىم مەن سپورتتا الدا بولاتىندارىنا ءسوز بەردى.
ءبىلىم مەكەمەسىن ارالاۋ بارىسىندا قالا باسشىسى «وقۋعا قۇشتار مەكتەپ» جوباسى بويىنشا ۇيىمداستىرىلعان وقىرمان بۇرىشىمەن جانە ۆولەيبول، باسكەتبول، فۋتبول مەن شاحمات ۇيىرمەلەرىنىڭ جۇمىسىمەن تانىستى.
قازاقستانداعى بالالار سپورتىن دامىتۋ - مەملەكەتتىڭ باسىم ماقساتتارىنىڭ ءبىرى ەكەنىن ايتقان شاھار باسشىسى سوڭعى جىلدارى قالادا كوپتەگەن اشىق ستاديوندار مەن جاتتىعۋ كەشەندەرى سالىنىپ جاتقانىن تىلگە تيەك ەتتى.
شىمكەنت قالاسى اكىمدىگىنىڭ ءباسپاسوز قىزمەتى
