بەلگىلى اقىن جانە قوعام قايراتكەرى ولجاس سۇلەيمەنوۆ قازاقستاننىڭ جامبىل وبلىسىندا اسا قاۋىپتى شتاممدار قويماسى بار بيولوگيالىق زەرتحانانىڭ سالۋىنا قارسىلىق ءبىلدىردى دەپ حابرلايدى "ادىرنا" ۇلتتىق پورتالى "قازتاگ" اگەنتتىگىنە سىلتەمە جاساپ.
ء"بىزدىڭ ەلىمىزدە عىلىم ەسىمدەرمەن كورىنبەيدى. گۋمانيتارلىق عىلىمدار دا، تەحنيكالىق عىلىمدار دا قازىر ء"ۇنسىز" قالدى. اسىرەسە، وسى 30 جىلدىقتا ولار مۇلدەم ء"ۇنسىز". ويتكەنى عىلىمعا كوڭىل اۋدارىلعان جوق. نەگىزىنەن ەكونوميكاعا كوبىرەك كوڭىل ءبولىنىپ كەتتى. بۇگىن ءبىر تانىسىم حابارلاستى. ول جامبىل وبلىسىندا ۋحانداعى سياقتى ورتالىقتى تەز ارادا اشۋ كەرەك دەگەن ۇكىمەت قاۋلىسى شىققانىن ايتادى. بىزگە جەتپەگەنى وسى ەدى. وسى كۇنگە دەيىن سول جامبىل وبلىسىندا جارىلۋى مۇمكىن نارسەنىڭ ءبارى جارىلدى. ەندى بۇعان قوسا بيولوگيالىق زەرتحانا سالۋىمىز قالىپ ەدى. ءبىزدىڭ قازاقتىڭ جالپى "تۇزى جەڭىل" عوي. مىسالى، 1930 جىلدارى قازاق حالقىنىڭ 70%-ى اشتىقتان قىرىلىپ قالسا، قالعان 30 پايىزىن ەندى وسى ۋحان ينفەكتسياسىمەن جويىلۋىمىز كەرەك.
بىزدە ميكروبيولوگتار جوق! ولار قايدان كەلدى؟ ولار مۇنى باسقا جەردە جاساسىن. مىنە، مەن وسىعان بايلانىستى حات دايىنداپ جاتىرمىن. بۇل حات تا "نەۆادا-سەمەي" قوزعالىسى سياقتى ءبىزدىڭ حالقىمىزدىڭ تاعى ءبىر سىناعىن توقتاتۋعا كومەكتەسەدى دەپ سەنەمىن", - دەدى ولجاس سۇلەيمەنوۆ.
سونداي-اق قوعام قايراتكەرى الماتىداعى اقش-تىڭ قارجىسىنا سالىنعان ورتالىق رەفەرەنتتىك زەرتحاناعا قارسى شىقتى.
"بۇل زەرتحانالاردىڭ بارلىعىن، قالاسا، امەريكادا سالۋعا رۇقسات. بىزدە قازاقستاندا ونسىز دا قاۋىپتى ينفەكتسيالار، اقاۋلار، اپاتتار جەتكىلىكتى", - دەپ قوستى ول.
بۇعان دەيىن ايتىلعانداي، قازاقستاننىڭ جامبىل وبلىسىندا قازىرگى ۋاقىتتا ورتالىق رەفەرەنتتىك زەرتحانادا جۇمىس ىستەپ جاتقان ۆيرۋستاردىڭ قاۋىپتى شتاممدارىمەن جۇمىس ىستەۋگە مۇمكىندىك بەرەتىن قاۋىپسىزدىك دەڭگەيى جوعارى بيولوگيالىق زەرتحانا سالۋ جوسپارلانىپ وتىر.
"ادىرنا" ۇلتتىق پورتالى
