تانىمال جۋرناليست گۇلجان ەرعاليەۆا حالىقارالىق ماراپاتقا يە بولدى، دەپ حابارلايدى "ادىرنا" ءتىلشىسى.
قازاقستان جۋرناليستيكا اكادەمياسى 2021 جىلى قۇرمەتتى اكادەميك، حالىقتىڭ ماقتان تۇتار ۇلى ولجاس ومارۇلى سۇلەيمەنوۆتىڭ 85 جىلدىعىنا وراي حالىقارالىق سىيلىق تاعايىندالعان.
مارتەبەلى ماراپاتتىڭ بيىلعى يەگەرى بولىپ جۋرناليست گۇلجان ەرعاليەۆا تانىلدى. قۋانىشتى جاڭالىقپەن جۋرناليستيكا اكادەمياسىنىڭ پرەزيدەنتى، تاريح عىلىمدارىنىڭ دوكتورى، 56 كىتاپتىڭ اۆتورى ساعىمباي قوزىباەۆ Facebook پاراقشاسىندا ءبولىستى.
"اكادەميا پرەزيديۋمىنىڭ شەشىمىمەن بيىلعى 19 قازاندا سەمەي پوليگونىنداعى سوڭعى يادرولىق جارىلىستىڭ مەرەيتويىندا ماراپاتتىڭ كەلەسى يەگەرى رەتىندە ەلىمىزدەگى ەڭ كورنەكتى جۋرناليست گۇلجان ەرعاليەۆا اتالدى. جۋرناليستيكا اكادەمياسى ەرعاليەۆا گۇلجان حاميتقىزىن شىن جۇرەكتەن قۇتتىقتاپ، لاۋرەاتقا جاڭا شىعارماشىلىق تابىستار تىلەيدى!", - دەلىنگەن جازبادا.
ەسكە سالا كەتەيىك، 2022 جىلى بۇل ماراپاتقا اكادەميا پرەزيدەنتى ساعىمباي قوزىباەۆ لايىق دەپ تانىلىپ، قايراتكەرگە ولجاس سۇلەيمەنوۆ اتىنداعى حالىقارالىق سىيلىعى تابىتسستالعان.
