Belgili aqyn jáne qoǵam qaıratkeri Oljas Súleımenov Qazaqstannyń Jambyl oblysynda asa qaýipti shtammdar qoımasy bar bıologııalyq zerthananyń salýyna qarsylyq bildirdi dep habrlaıdy "Adyrna" ulttyq portaly "QazTAG" agenttigine silteme jasap.
"Bizdiń elimizde ǵylym esimdermen kórinbeıdi. Gýmanıtarlyq ǵylymdar da, tehnıkalyq ǵylymdar da qazir "únsiz" qaldy. Ásirese, osy 30 jyldyqta olar múldem "únsiz". Óıtkeni ǵylymǵa kóńil aýdarylǵan joq. Negizinen ekonomıkaǵa kóbirek kóńil bólinip ketti. Búgin bir tanysym habarlasty. Ol Jambyl oblysynda Ýhandaǵy sııaqty ortalyqty tez arada ashý kerek degen Úkimet qaýlysy shyqqanyn aıtady. Bizge jetpegeni osy edi. Osy kúnge deıin sol Jambyl oblysynda jarylýy múmkin nárseniń bári jaryldy. Endi buǵan qosa bıologııalyq zerthana salýymyz qalyp edi. Bizdiń qazaqtyń jalpy "tuzy jeńil" ǵoı. Mysaly, 1930 jyldary qazaq halqynyń 70%-y ashtyqtan qyrylyp qalsa, qalǵan 30 paıyzyn endi osy Ýhan ınfekııasymen joıylýymyz kerek.
Bizde mıkrobıologtar joq! Olar qaıdan keldi? Olar muny basqa jerde jasasyn. Mine, men osyǵan baılanysty hat daıyndap jatyrmyn. Bul hat ta "Nevada-Semeı" qozǵalysy sııaqty bizdiń halqymyzdyń taǵy bir synaǵyn toqtatýǵa kómektesedi dep senemin", - dedi Oljas Súleımenov.
Sondaı-aq qoǵam qaıratkeri Almatydaǵy AQSh-tyń qarjysyna salynǵan ortalyq referenttik zerthanaǵa qarsy shyqty.
"Bul zerthanalardyń barlyǵyn, qalasa, Amerıkada salýǵa ruqsat. Bizde Qazaqstanda onsyz da qaýipti ınfekııalar, aqaýlar, apattar jetkilikti", - dep qosty ol.
Buǵan deıin aıtylǵandaı, Qazaqstannyń Jambyl oblysynda qazirgi ýaqytta Ortalyq referenttik zerthanada jumys istep jatqan vırýstardyń qaýipti shtammdarymen jumys isteýge múmkindik beretin qaýipsizdik deńgeıi joǵary bıologııalyq zerthana salý josparlanyp otyr.
"Adyrna" ulttyq portaly
