قوستاناي وبلىسى تۇرعىن ءۇيدى ىسكە قوسۋ قارقىنى بويىنشا ۇزدىك ۇشتىكتە

2155
Adyrna.kz Telegram

بۇگىن وبلىس اكىمى ارحيمەد مۇحامبەتوۆ اكىمدىك وتىرىسىن وتكىزىپ، ونىڭ بارىسىندا 2021 جىلدىڭ 10 ايىنداعى "نۇرلى جەر" تۇرعىن ءۇي-كوممۋنالدىق دامىتۋدىڭ 2020-2025 جىلدارعا ارنالعان مەملەكەتتىك باعدارلاماسىنىڭ ىسكە اسىرىلۋ قورىتىندىلارى قارالدى، دەپ حابارلايدى “ادىرنا” ۇلتتىق پورتالى قوستاناي وبلىسى اكىمىنىڭ ءباسپاسوز قىزمەتىنە سىلتەمە جاساپ.

اعىمداعى جىلى "نۇرلى جەر" تۇرعىن ءۇي-كوممۋنالدىق دامۋ باعدارلاماسىن ىسكە اسىرۋ شەڭبەرىندە وبلىس بويىنشا بارلىق قارجىلاندىرۋ كوزدەرى ەسەبىنەن 449 مىڭ شارشى مەتر تۇرعىن ءۇي سالىنادى، بۇل شامامەن 4 مىڭ پاتەر.

اعىمداعى جىلدىڭ 10 ايىنىڭ قورىتىندىسى بويىنشا 387,2 مىڭ شارشى مەتر تۇرعىن ءۇي سالىندى جانە پايدالانۋعا بەرىلگەن.

ايتا كەتۋ كەرەك، وڭىرلەر اراسىندا قوستاناي وبلىسى تۇرعىن ءۇيدى ىسكە قوسۋ قارقىنى بويىنشا رەسپۋبليكادا 3-ءشى ورىندا كەلەدى.

بۇدان كەيىن اۋىلدىق سۋمەن جابدىقتاۋ جوبالارىن ىسكە اسىرۋ ماسەلەسى قارالدى.

مەملەكەت باسشىسى 2025 جىلعا دەيىن اۋىلدىق ەلدى مەكەندەردى 100% ساپالى اۋىز سۋمەن قامتاماسىز ەتۋ مىندەتىن قويدى.

سۋمەن جابدىقتاۋ سالاسىنداعى مەملەكەتتىك باعدارلامالاردى ىسكە اسىرۋدىڭ ارقاسىندا وسى باعىت بويىنشا جاعداي جىل سايىن جاقسارىپ كەلەدى.

اعىمداعى جىلى حالىقتى ساپالى اۋىز سۋمەن قامتاماسىز ەتۋ ماقساتىندا "نۇرلى جەر" مەملەكەتتىك باعدارلاماسى جانە "اۋىل ەل بەسىگى" باعدارلاماسى شەڭبەرىندە وبلىس بويىنشا 32 جوبا ىسكە جۇزەگە اسۋدا، ولارعا 9,7 ملرد.تەڭگە ءبولىندى.

بۇگىنگى كۇنى وبلىس بويىنشا 520 اۋىل بار، ونىڭ 292 اۋىلى نەمەسە 56,2% سۋمەن قامتاماسىز ەتىلگەن، قالعان 228 اۋىل ورتالىقتاندىرىلماعان كوزدەردەن الىنعان سۋدى جانە تاسىمالداناتىن سۋدى پايدالانادى.

2021 جىلدىڭ قورىتىندىسى بويىنشا 9,9 مىڭ ادام تۇراتىن 19 اۋىل سۋمەن جابدىقتاۋ قىزمەتتەرىمەن قامتاماسىز ەتىلەتىن بولادى.

بۇدان ءارى ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان "ەڭبەك" مەملەكەتتىك باعدارلاماسى شەڭبەرىندە 2021 جىلى ميكروكرەديت بەرۋدى ىسكە اسىرۋ قورىتىندىلارى قارالدى.

اعىمداعى جىلى وبلىس بويىنشا شاعىن جانە ورتا بيزنەس سۋبەكتىلەرىن شاعىن نەسيەلەندىرۋگە 1 ملرد.تەڭگە ءبولىندى.

ناتيجەسىندە، 2021 جىلدىڭ قورىتىندىسى بويىنشا جوسپار بويىنشا 68 ستارتاپ جوبا 172 قۇرىلدى، ونىڭ ىشىندە 136 جوبا اۋىل شارۋاشىلىعى جانۋارلارىن وسىرۋگە باعىتتالعان، 339 جاڭا جۇمىس ورنى قۇرىلدى.

ارحيمەد مۇحامبەتوۆ قالالار مەن اۋدانداردىڭ اكىمدەرىنە تۇرعىن ءۇيدى پايدالانۋعا بەرۋ، اۋىلدىق سۋمەن جابدىقتاۋ جوبالارى بويىنشا جوسپارلانعان كورسەتكىشتىڭ ورىندالۋىن باقىلاۋدا ۇستاۋدى، سونداي-اق جاستار اراسىندا جاس ماماندار مەن 29 جاسقا دەيىنگى جۇمىسسىز ازاماتتاردى بيزنەستى قولداۋدىڭ مەملەكەتتىك باعدارلامالارىنا تارتۋ بويىنشا اقپاراتتىق-ءتۇسىندىرۋ ءىس-شارالارىن جۇرگىزۋدى قامتاماسىز ەتۋدى تاپسىردى.

 “ادىرنا” ۇلتتىق پورتالى

پىكىرلەر