بۇگىنگى «اربات» الاڭىندا وتكەن جاستارعا ارنالعان بوس جۇمىس ورىندارى جارمەڭكەسىنە قالاداعى 50-دەن اسا جۇمىس بەرۋشى كاسىپورىندارى مەن مەكەمەلەر قاتىسىپ، 9000 مىڭعا جۋىق بوس جۇمىس ورىندارىن ۇسىندى. ناتيجەسىن كورسەتكەن جارمەڭكەدە تۇراقتى جۇمىسقا 790 ازامات، ال «جاستار پراكتيكاسى» باعدارلاماسىمەن 121 جاس جولداما الدى.
تۇراقتى جۇمىسقا جولداما العان قالا جاستارىنىڭ ءبىرى – ايسۇلۋ قوراباەۆا. ول بيىلعى جىلى ءا.قۋاتبەكوۆ اتىنداعى حالىقتار دوستىعى ۋنيۆەرسيتەتىندە «باستاۋىش ءبىلىم بەرۋ مۇعالىمى» ماماندىعى بويىنشا ءبىلىم العان. جۇمىس ىزدەپ جۇرگەن قالا تۇرعىنى ءدال وسى جارمەڭكەدە ماماندىعى بويىنشا جۇمىس تاپتى.
– بۇگىنگى جارمەڭكە جايىندا اقپاراتتى الەۋمەتتىك جەلى پاراقشاسىندا كورىپ، قۋانا كەلدىم. جارمەڭكەگە كەلگەن سوڭ بوس جۇمىس ورىندارى ءتىزىمىن تولىق قاراپ، ءوز ماماندىعىم بويىنشا لايىق كەلەتىندەرىنە جەكەلەي باردىم. وسىلايشا، باستاۋىش ءپانى مۇعالىمى بولىپ قالاداعى №120 مەكتەپكە جولداما الدىم. سونىمەن قاتار، جۇمىسپەن قامتۋ ورتالىعىنىڭ ماماندارى تۇيىندەمەنى دۇرىس جازۋ جولدارىن ءتۇسىندىردى-دەيدى 26 جاسار قالا جاسى.
سونىمەن قاتار، جارمەڭكەدە سولتۇستىك وڭىرىنە قونىس اۋدارۋ بويىنشا اقپاراتتىق-تۇسىندىرمە جۇمىستارى ۇيىمداستىرىلىپ، ناتيجەسىندە ەلىمىزدىڭ سولتۇستىك وڭىرلەرىنە قونىس اۋدارۋعا 100-دەن اسا شىمكەنتتىكتەر قىزىعۋشىلىق تانىتىپ، نيەت ءبىلدىردى.
ايتا كەتسەك، جىل باسىنان بەرى «ەڭبەك» مەملەكەتتىك باعدارلاماسى شەڭبەرىندە 18 مىڭنان استام شىمكەنتتىكتەر جۇمىسپەن قامتۋ شارالارىنا قاتىستى. ونىڭ ىشىندە جۇمىسپەن قامتىلعان جاستاردىڭ قاتارىندا 2384-ءى جاستار پراكتيكاسىمەن، ال 102-ءى العاشقى جۇمىس ورنى جوباسىمەن جۇمىسقا جولداندى.
"ادىرنا" ۇلتتىق پورتالى
