بۇگىندە الەۋمەتتىك جەلىدە بالالار مەن جۇكتىلەرگە سالىناتىن ۆاكتسينا تۋراسىنداعى جالعان اقپاراتتار كوپتەپ تاراپ جاتىر. وندا «بالالاردى مەكتەپكە ۆاكتسينا سالۋ ءۇشىن شاقىرىپ، تۇبەركۇلەزگە قارسى ەكپەنىڭ سىلتاۋىمەن كورونوۆيرۋسكا قارسى ۆاكتسينا سالىنىپ جاتىر» دەلىنگەن.
«بالالارىڭىزدى مەكتەپكە جىبەرمەڭىزدەر» دەگەن نەگىزسىز قاۋەسەتتى ەستىگەن اتا-انالار ۆاكتسينا سالعىزۋدان قاۋىپتەنىپ، ەكپە الۋدان باس تارتۋدا. الايدا مامانداردىڭ ايتۋىنشا كوپتىڭ اۋزىندا جۇرگەن بۇل اقپارات شىندىققا جاناسپايدى.
ءتىپتى قالالىق ءبىلىم باسقارماسىنىڭ باسشىسى «وقۋشىلارعا كوۆيدكە قارسى ۆاكتسيناتسيا سالىنبايتىنىن، الەۋمەتتىك جەلىلەردە تاراعان اقپاراتتىڭ جالعان ەكەندىگىن كەسىپ ايتتى. كەز كەلگەن ەكپەنىڭ ءتۇرى بالاعا تەك اتا-انانىڭ رۇقساتىمەن سالىنادى. سول سەبەپتى الاڭداۋعا ەش نەگىز جوق دەيدى. ەكپە تۇرعىنداردىڭ قالاۋىمەن، ەرىكتى تۇردە سالىناتىن بولادى. ايتا كەتەيىك، بۇگىندە قالا مەكتەپتەرىندە بالالارعا تۋبەركۋلەزگە قارسى «مانتۋ» سىناماسىن سالۋ ءجۇرىپ جاتىر.
جانات تاجيەۆا، شىمكەنت قالالىق ءبىلىم باسقارماسىنىڭ باسشىسى: «بالالارعا كورونوۆيرۋسقا قارسى ۆاكتسينا سالۋ ءۇردىسى ورىن العان جوق. بۇل كەيبىر اتا-انالار اراسىندا تاراعان اقپارات شىندىققا جاناسپايدى، بۇل دەزينفورماتسيا».
دارىگەرلەردىڭ ايتۋىنشا، بۇل قازىر مەكتەپتەردە سالىنىپ جاتقان ۆاكتسينا جىلدا جوسپارلى تۇردە جۇرگىزىلەتىن تۇبەركۋلەزگە قارسى ەكپە.
اينۇر بەكاسانوۆا
