ءۇشىنشى مەگاپوليس جاستارى «شىمقالا» تاريحي-مادەني كەشەنىندە ەرەكشە كەشتىڭ كۋاسى بولدى. ولار وتكەن كۇننەن سىر شەرتىپ تۇرعان تاريحي جادىگەرلەرمەن تانىسىپ، اشىق اسپان استىندا فيلم تاماشالادى.
«شىم قالا» تاريحي-مادەني كەشەنىنىڭ ۇيىمداستىرۋىمەن تۇڭعىش پرەزيدەنت – ەلباسى ن.ءا.نازارباەۆتىڭ «ۇلى دالانىڭ جەتى قىرى» باعدارلامالىق ماقالاسى اياسىندا «بابالار جولىمەن» تاقىرىبىندا مادەني كەش ءوتتى.
ءىس-شاراعا جينالعان جاستاردى تەاتر ماماندارى بەينەلەگەن ۇلى ويشىل ءابۋ ناسىر ءال-فارابي، قازاقتىڭ ماڭدايالدى ءۇش ءبيى، قازاقتىڭ بەس ارىسى مەن ءۇش بايتەرەگى قارسى الدى. بابالار بەينەسىندەگى كەيىپكەرلەردىڭ جانىندا ارنايى ازىرلەنگەن دانالىق سوزدەر جازىلدى.
كەشتە م.اۋەزوۆ اتىنداعى وقۋجانە وقمپۋ «تاريح» فاكۋلتەتىنىڭ ستۋدەنتتەرى «شاحريستان»، «شىعىس بازارى»، «حاۋىز»، «جىبەك جولى كەرۋەنى» جانە «تسيتادەل» مۋزەيىنە ساياحات جاسادى. ۇلتتىق ناقىشپەن بەزەندىرىلگەن ساكى ۇستىندە شىمكەنت قالاسىنىڭ پانورامالىق كورىنىسىمەن ەستەلىككە سۋرەتكە ءتۇستى. LED ەكراننان «ءال-فارابي» انيماتسيالىق بەينەفيلىمىن تاماشالادى. سونىمەن قاتار، اشىق اسپان استىنداعى الاۋدى (كوستەر) تاماشالاي وتىرىپ، قوناقتارعا كوفەبرەيك ء(شاي، كوفە، پوپكورن) ۇسىنىلدى.
ازامات جاپپار
سەرىك قوساەۆ
