Úshinshi megapolıs jastary «Shymqala» tarıhı-mádenı kesheninde erekshe keshtiń kýási boldy. Olar ótken kúnnen syr shertip turǵan tarıhı jádigerlermen tanysyp, ashyq aspan astynda fılm tamashalady.
«Shym qala» tarıhı-mádenı kesheniniń uıymdastyrýymen Tuńǵysh Prezıdent – Elbasy N.Á.Nazarbaevtyń «Uly dalanyń jeti qyry» baǵdarlamalyq maqalasy aıasynda «Babalar jolymen» taqyrybynda mádenı kesh ótti.
Is-sharaǵa jınalǵan jastardy teatr mamandary beınelegen uly oıshyl Ábý Nasyr Ál-Farabı, qazaqtyń mańdaıaldy úsh bıi, qazaqtyń bes arysy men úsh báıteregi qarsy aldy. Babalar beınesindegi keıipkerlerdiń janynda arnaıy ázirlengen danalyq sózder jazyldy.
Keshte M.Áýezov atyndaǵy OQÝjáne OQMPÝ «tarıh» fakýltetiniń stýdentteri «Shahrıstan», «Shyǵys bazary», «Haýyz», «Jibek joly kerýeni» jáne «ıtadel» mýzeıine saıahat jasady. Ulttyq naqyshpen bezendirilgen sáki ústinde Shymkent qalasynyń panoramalyq kórinisimen estelikke sýretke tústi. LED ekrannan «Ál-Farabı» anımaııalyq beınefılimin tamashalady. Sonymen qatar, ashyq aspan astyndaǵy alaýdy (koster) tamashalaı otyryp, qonaqtarǵa kofebreık (sháı, kofe, popkorn) usynyldy.
Azamat JAPPAR
Serik QOSAEV
