شىمكەنت قالاسىنداعى №74 جالپى ورتا ءبىلىم بەرەتىن مەكتەبىندە دينا نۇرپەيسوۆانىڭ 160 جىلدىعىنا وراي «دالامدى كۇيمەن تەربەدىم» تاقىرىبىندا كەزدەسۋ كەشى ءوتتى.
كەش قوناقتار - وڭتۇستىك ءوڭىرىنىڭ ۇلت رۋحانياتىنا ولشەۋسىز ۇلەس قوسىپ جۇرگەن ونەر جاناشىرلارى، جازۋشىلار وداعىنىڭ مۇشەسى، 2001 جىلى وتكەن رەسپۋبليكالىق تەرمەشىلەر سايىسىنىڭ جەڭىمپازى، اقىن، جازۋشى ءبورىباي ورازىمبەت پەن اقىن، جازۋشى ابدۋلماحمۋد پوشاتاەۆ بولدى.
سىرلى سۇقباتقا تولى اسەرلى كەشتە وقۋشىلار جانە ۇستازدار اقىن ءومىرى مەن شىعارماشىلىعىنان، ادامي بولمىسى مەن رۋحاني الەمىنەن حاباردار بولدى. كەزدەسۋ بارىسىندا مەكتەپ وقۋشىلارى اقىن جىرلارىن ناقىشىنا كەلتىرىپ ورىنداپ، قالامگەر اعالارىنا وزدەرىن تولعاندىرىپ جۇرگەن سۇراقتاردى قويدى. مەكتەپ وقۋشىلارى مەن ۇستازدار اقىننىڭ جۇرەگىن جارىپ شىققان جىرلارىن تىڭداپ، ولەڭدەرىنەن رۋحاني سۋسىنداپ قايتتى. كەش سوڭىندا مەكتەپتىڭ ديرەكتورى يساكوۆا نۋريپا اۋەلقىزى اقىندار شىعارماشىلىعىنا ەرەكشە تابىس تىلەپ، وزەكجاردى تىلەكتەرىن جاۋدىردى. سىي-سياپاتتارىن تاپسىرىپ، قۇرمەت كورسەتتى.
