Shymkent qalasyndaǵy №74 jalpy orta bilim beretin mektebinde Dına Nurpeısovanyń 160 jyldyǵyna oraı «Dalamdy kúımen terbedim» taqyrybynda kezdesý keshi ótti.
Kesh qonaqtar - ońtústik óńiriniń ult rýhanııatyna ólsheýsiz úles qosyp júrgen óner janashyrlary, Jazýshylar odaǵynyń múshesi, 2001 jyly ótken Respýblıkalyq termeshiler saıysynyń jeńimpazy, aqyn, jazýshy Bóribaı Orazymbet pen aqyn, jazýshy Abdýlmahmýd Poshataev boldy.
Syrly suqbatqa toly áserli keshte oqýshylar jáne ustazdar aqyn ómiri men shyǵarmashylyǵynan, adamı bolmysy men rýhanı áleminen habardar boldy. Kezdesý barysynda mektep oqýshylary aqyn jyrlaryn naqyshyna keltirip oryndap, qalamger aǵalaryna ózderin tolǵandyryp júrgen suraqtardy qoıdy. Mektep oqýshylary men ustazdar aqynnyń júregin jaryp shyqqan jyrlaryn tyńdap, óleńderinen rýhanı sýsyndap qaıtty. Kesh sońynda mekteptiń dırektory Isakova Nýrıpa Áýelqyzy aqyndar shyǵarmashylyǵyna erekshe tabys tilep, ózekjardy tilekterin jaýdyrdy. Syı-sııapattaryn tapsyryp, qurmet kórsetti.
