«ەڭبەك» باعدارلاماسى بويىنشا 20 مىڭعا جۋىق ادام جۇمىسپەن قامتىلدى

1636
Adyrna.kz Telegram

شىمكەنت قالاسىنىڭ جۇمىسپەن قامتۋ جانە الەۋمەتتىك قورعاۋ باسقارماسىنىڭ باسشىسى ب.ناربەكوۆا قالا اكىمدىگىنىڭ «Instagram» پاراقشاسىندا وتكەن تىكەلەي ەفيردە الەۋمەتتىك قورعاۋ ساياساتىنىڭ جۇزەگە اسىرىلۋى مەن حالىقتى جۇمىسپەن قامتۋ باعىتتارىنىڭ ناتيجەلەرىن باياندادى.

باسقارما باسشىسىنىڭ ايتۋىنشا، بيىل «ەڭبەك» مەملەكەتتىك باعدارلاماسىنىڭ شەڭبەرىندە 21 954 ادامدى جۇمىسپەن قامتۋ شارالارىنا قاتىستىرۋ جوسپارلانىپ، ناقتى 9 ايدىڭ كورسەتكىشى بويىنشا 19 462 ادام جۇمىسپەن قامتىلعان.
ناقتىراق ايتقاندا، باعدارلامانىڭ ءى باعىتى بويىنشا 2675 ادام 3 ايلىق كاسىپتىك وقىتۋ كۋرستارىنا، ءىى باعىتى بويىنشا 2 155 ادام «باستاۋ بيزنەس» جوباسى اياسىندا كاسىپكەرلىك كۋرسىنا وقىتۋعا جولداندى. 53 ادامعا شاعىن نەسيە، 584 ادامعا مەملەكەتتىك گرانت بەرىلدى.

باعدارلامانىڭ ءىىى باعىتى بويىنشا (حالىقتى جۇمىسپەن قامتۋعا جاردەمدەسۋ) 8 168 ادام بوس جانە جاڭا جۇمىس ورىندارىنا، 336 ادام الەۋمەتتىك جۇمىس ورىندارىنا، 2531 ادام جاستار پراكتيكاسىنا، 2845 ادام قوعامدىق جۇمىسقا، 115 ادام «العاشقى جۇمىس ورىندارى» جوباسى بويىنشا 24 ايعا جولداندى.

قىركۇيەك ايىندا «اربات» الاڭىندا جاستارعا ارنالعان بوس جۇمىس ورىندارى جارمەڭكەسى وتكىزىلدى. جارمەڭكەگە قالاداعى 50-دەن اسا جۇمىس بەرۋشى كاسىپورىندار مەن مەكەمەلەر قاتىسىپ، 9 مىڭعا جۋىق بوس جۇمىس ورىندارىن ۇسىندى. ناتيجەسىندە تۇراقتى جۇمىسقا 790 ازامات، «جاستار پراكتيكاسى» باعدارلاماسىمەن 121 جاس جولداما الدى.

شاھاردا حالىقتى الەۋمەتتىك قورعاۋ باعىتىندا دا جۇيەلى ءىس-شارالار اتقارىلۋدا. 2021 جىلدىڭ ءى توقسانىندا 36 969 وتباسىعا (179 209 ادام), ءىى توقساندا 30 962 وتباسىعا (149 147 ادامعا), ءىىى-توقساندا 19 333 وتباسىعا (90 177 ادامعا) مەملەكەتتىك اتاۋلى الەۋمەتتىك كومەك تولەندى.

سونداي-اق، باسقارما باسشىسى ارناۋلى الەۋمەتتىك قىزمەتتەر، ازاماتتىق قۇقىقتىق اكتىلەرىن تىركەۋ، كوشى-قون ماسەلەسى جانە قانداستارمەن جۇمىس ىستەۋ، ارداگەرلەر مەن از قامتاماسىز ەتىلگەن ازاماتتاردى قولداۋ ءىس-شارالارىنان حاباردار ەتىپ، تۇرعىندار ساۋالىنا جاۋاپ بەردى.

پىكىرلەر