شىمكەنتتە 9 ايدا 10 مىڭنان استام جاس جۇمىسپەن قامتىلعان

805

شىمكەنت قالاسىنىڭ اكىمى مۇرات ايتەنوۆ ىشكى ساياسات جانە جاستار ىستەرى جونىندەگى باسقارماسىنىڭ 9 ايدا اتقارىلعان ەسەبىن قابىلدادى. باسقارما باسشىسىنىڭ مىندەتىن اتقارۋشى م. شوتانوۆ قالادا جاستار ساياساتىن جۇرگىزۋدە اتقارىلعان جۇمىستاردى باياندادى.

باسقارما بۇگىندە 5 باعىت بويىنشا جۇمىس اتقارسا، سونىڭ ءبىر باعىتى – جاستار ساياساتى. شىمكەنتتە قازىر 14-29 ارالىعىنداعى 239 986 جاس بار، ولار قالا حالقىنىڭ 22,3% قۇرايدى. ەسەپتى كەزەڭ بويىنشا 10 215 جاس جۇمىسپەن قامتىلعان. ونىڭ ىشىندە ۋاقىتشا جۇمىسقا – 4 362, بوس جۇمىس ورىندارىنا –3 315, جاپپاي كاسىپكەرلىكتى دامىتۋعا –1 132, كاسىپتىك وقۋعا –1 094, مەملەكەتتىك باعدارلامالار شەڭبەرىندە – 214, جول كارتا اياسىندا – 98 جاس بۋىن جولدانعان.

بۇگىندە قالادا جۇمىس ىستەۋ مەن ىزدەنۋگە نيەتى جوق، ياعني NEET باعىتىنداعى جاستار 7,3 (16 207) پايىزدى قۇرايدى. جىل سوڭىنا دەيىن كورسەتكىشتى تومەندەتۋ ءۇشىن 1 332 جاسپەن جۇمىس جۇرگىزۋ كوزدەلىپ وتىر.

ۆولونتەرلىكتى قولداۋ ماقساتىندا Meyirim.kz ەلەكتروندىق قايىرىمدىلىق پورتالى ىسكە قوسىلعان. قازىر وندا 31 قايىرىمدىلىق قورى، 19 زاڭدى تۇلعا، 4 الەۋمەتتىك دۇكەن، 73 ەرىكتى تىركەلگەن. بۇگىنگە دەيىن پورتال ارقىلى 3 773 مۇقتاج وتباسىعا كومەك كورسەتىلگەن.

قالاداعى ۆولونتەرلىك ۇيىمدار بۇگىنگە دەيىن الەۋمەتتىك جاعدايى تومەن وتباسىلار مەن قاريالارعا 7000-عا جۋىق ازىق-تۇلىك سەبەتىن تاراتقان.

شىمكەنت قالاسى اكىمدىگىنىڭ ءباسپاسوز قىزمەتى.

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket