Shymkentte 9 aıda 10 myńnan astam jas jumyspen qamtylǵan

465

Shymkent qalasynyń ákimi Murat Áıtenov Ishki saıasat jáne jastar isteri jónindegi basqarmasynyń 9 aıda atqarylǵan esebin qabyldady. Basqarma basshysynyń mindetin atqarýshy M. Shotanov qalada jastar saıasatyn júrgizýde atqarylǵan jumystardy baıandady.

Basqarma búginde 5 baǵyt boıynsha jumys atqarsa, sonyń bir baǵyty – jastar saıasaty. Shymkentte qazir 14-29 aralyǵyndaǵy 239 986 jas bar, olar qala halqynyń 22,3% quraıdy. Esepti kezeń boıynsha 10 215 jas jumyspen qamtylǵan. Onyń ishinde ýaqytsha jumysqa – 4 362, bos jumys oryndaryna –3 315, jappaı kásipkerlikti damytýǵa –1 132, kásiptik oqýǵa –1 094, memlekettik baǵdarlamalar sheńberinde – 214, Jol karta aıasynda – 98 jas býyn joldanǵan.

Búginde qalada jumys isteý men izdenýge nıeti joq, ıaǵnı NEET baǵytyndaǵy jastar 7,3 (16 207) paıyzdy quraıdy. Jyl sońyna deıin kórsetkishti tómendetý úshin 1 332 jaspen jumys júrgizý kózdelip otyr.

Volonterlikti qoldaý maqsatynda Meyirim.kz elektrondyq qaıyrymdylyq portaly iske qosylǵan. Qazir onda 31 qaıyrymdylyq qory, 19 zańdy tulǵa, 4 áleýmettik dúken, 73 erikti tirkelgen. Búginge deıin portal arqyly 3 773 muqtaj otbasyǵa kómek kórsetilgen.

Qaladaǵy volonterlik uıymdar búginge deıin áleýmettik jaǵdaıy tómen otbasylar men qarııalarǵa 7000-ǵa jýyq azyq-túlik sebetin taratqan.

Shymkent qalasy ákimdiginiń baspasóz qyzmeti.

Pikirler
Redakııa tańdaýy