قازاقستاندا كۇنباعىس مايى ءبىر جىلدا 56%-عا قىمباتتادى، دەپ حابارلايدى “ادىرنا” ۇلتتىق پورتالى Zakon.kz سايتىنا سىلتەمە جاساپ.
زەرتتەۋشىلەردىڭ مالىمەتتەرى بويىنشا، 2021 جىلدىڭ قاڭتار-قىركۇيەك ايلارىندا ەلىمىزدە 131 مىڭ توننا تازارتىلماعان كۇنباعىس مايى ءوندىرىلدى. بۇل وتكەن جىلمەن سالىستىرعاندا 1,4%-عا از. سونىمەن قاتار تازارتىلعان ماي ءوندىرىسى بىردەن 29,7%-عا، 109,8 مىڭ تونناعا دەيىن ۇلعايدى.
وڭىرلىك بولىنىستە تازارتىلماعان كۇنباعىس مايىن ءوندىرۋ كولەمى بويىنشا شىعىس قازاقستان (98 مىڭ توننا), قوستاناي (10,5 مىڭ توننا) جانە اقتوبە (8,3 مىڭ توننا) وبلىستارى كوش باستاپ تۇر، - دەلىنگەن Energyprom.kz حابارلاماسىندا.تازارتىلعان ماي شىعارۋ بويىنشا شىمكەنت (47,3 مىڭ توننا), شىعىس قازاقستان وبلىسى (40,4 مىڭ توننا) جانە الماتى (17 مىڭ توننا) كوش باستاپ تۇر. 2020 جىلى ەلىمىزدە 351,3 مىڭ توننا كۇنباعىس مايى ءوندىرىلدى. ءبىر جىل بۇرىنعىعا قاراعاندا 9,7%-عا ارتىق. اعىمداعى جىلدىڭ سەگىز ايىنىڭ قورىتىندىسى بويىنشا جەرگىلىكتى كومپانيالار كۇنباعىس مايىنا سۇرانىستى ىشكى نارىقتى 80,2%-عا قامتاماسىز ەتتى.
يمپورت ۇلەسىنە تيىسىنشە 19,8% تيەسىلى بولدى. ەلگە جىل باسىنان بەرى 54,5 مىڭ توننا ماي اكەلىندى. بۇل وتكەن جىلدىڭ سايكەس كەزەڭىمەن سالىستىرعاندا 12,1%-عا از. ەكسپورتقا 58,5 مىڭ توننا كۇنباعىس مايى جىبەرىلدى، جىلىنا مينۋس 25,5%، - دەپ ناقتىلادى ساراپشىلار.ىشكى نارىقتا ساتۋ 217 مىڭ تونناعا جەتتى. ءبىر جىل بۇرىنعىعا قاراعاندا 23,8%-عا ارتىق. 2021 جىلدىڭ قازان ايىندا ەلدىڭ دۇكەندەرى مەن بازارلارىندا ءبىر ليتر كۇنباعىس مايىن 767 تەڭگەگە ساتىپ الۋعا بولادى. ءبىر جىل بۇرىنعىعا قاراعاندا بىردەن 56,2%-عا ارتىق. ءبىر اي ىشىندە باعا 0,3%-عا، جىل باسىنان بەرى 29,9%-عا ءوستى. ەلىمىزدىڭ ءىرى قالالارى اراسىندا كۇنباعىس مايىنىڭ ءبىر ءليترى اتىراۋدا (836 تگ), ال ارزانى پەتروپاۆلدا (664 تگ) قىمباتتادى. وڭىرلىك بولىنىستە جىلدىق ديناميكاداعى باعالار بقو-دا بىردەن 71,7%-عا، قوستاناي وبلىسىندا 70,9%-عا، اقمولا وبلىسىندا 69,8%-عا ءوستى. ەڭ از جىلدىق ءوسىم قاراعاندى وبلىسىندا جانە استانادا - 44,3%-عا وسكەن.
“ادىرنا” ۇلتتىق پورتالى