قازاقستاندا بەنزين مەن ديزەلدى ساتۋ بويىنشا شەكتى باعا قويۋ جونىندەگى بۇيرىققا وزگەرىس ەنگىزىلدى. بۇل تۋرالى ەنەرگەتيكا مينيسترلىگى «اشىق نقا» پورتالىندا بۇيرىق جوباسىن جاريالادى، دەپ حابارلايدى “ادىرنا” ۇلتتىق پورتالى.
«باعالارىنا مەملەكەتتىك رەتتەۋ بەلگىلەنگەن ستاتسيونارلىق اۆتو جانار-جاعار ماي قۇيۋ ستانتسيالارى ءۇشىن بولشەك ساۋدادا وتكىزىلەتىن مۇناي ونىمدەرىنە شەكتى باعالاردى بەلگىلەۋ تۋرالى» قازاقستان رەسپۋبليكاسى ەنەرگەتيكا ءمينيسترىنىڭ 2015 جىلعى 19 مامىرداعى № 361 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 11165 بولىپ تىركەلگەن) مىناداي وزگەرىس ەنگىزىلسىن»، دەلىنگەن بۇيرىقتا.
بۇيرىق بويىنشا:
اي-80 ماركالى بەنزين – 1 ليتر ءۇشىن 89 تەڭگە;
اي-92 جانە اي-93 ماركالى بەنزين – 1 ليتر ءۇشىن 205 تەڭگە;
ديزەل وتىنى (جازعى، ماۋسىمارالىق) – 1 ليتر ءۇشىن 295 تەڭگە كولىمىنەن اسىرماۋ ۇسىنىلدى.
مينيسترلىك بۇيرىق جوباسىن 28 اقپانعا دەيىن قوعامدىق تالقىلاۋدا بولاتىنىن مالىمدەدى.
