اشحابادتا قاراڭعىدا كەزەك كورىنبەۋى ءۇشىن مەملەكەتتىك دۇكەندەردەگى نان ساۋداسى تاڭەرتەڭ ەرتەگە اۋىستىرىلدى. بۇل تۋرالى ازاتلىك راديوسى مالىمدەدى،دەپ حابارلايدى “ادىرنا” ۇلتتىق پورتالى.
ناننىڭ مەملەكەتتىك باعاسى نارىق باعاسىنان شامامەن 10 ەسە تومەن، دەپ تۇسىندىرەدى رەداكتسيا. ۇن مەن ازىق-تۇلىك تاپشىلىعى جاعدايىندا بۇل ۇلكەن كەزەكتىڭ پايدا بولۋىنا اكەلەدى. رەداكتسياعا جىبەرىلگەن ۆيدەودا جۇزدەگەن ادامنىڭ، ونىڭ ىشىندە كىشكەنتاي بالالاردىڭ نانعا كەزەكتە تۇرعانى كورسەتىلگەن. نان تاڭعى ساعات بەستە، تاڭ اتقاننان 2 جارىم ساعات بۇرىن ساتىلىمعا شىعادى.
ءساۋىر ايىندا «ازاتتىق» راديوسىنىڭ تۇركىمەن قىزمەتى ەلدەگى ايماقتىق بيلىك پرەزيدەنت گۋربانگۋلى بەردىمۇحامەدوۆتىڭ بەدەلىن تۇسىرمەۋ ءۇشىن ازاماتتارعا ازىق-تۇلىك دۇكەندەرىنىڭ الدىندا كەزەككە تۇرۋعا تىيىم سالعانىن حابارلادى.
تۇركىمەنستان سوڭعى جىلدارى تەرەڭ ەكونوميكالىق داعدارىسقا ۇشىرادى. تابيعي گاز قورى بويىنشا الەمدە ءتورتىنشى ورىندا تۇرعان ەل ازىق-تۇلىك تاپشىلىعىن باستان كەشىرۋدە. حالىقتىڭ قولما-قول اقشاسى جەتپەي، زاتتاي ايىرباسقا كوشىپ جاتقانى حابارلاندى.
ەل بيلىگى بۇل ماسەلەنى جوققا شىعارادى. ماۋسىم ايىندا دۇنيەجۇزىلىك بانك سەنىمدى ستاتيستيكانىڭ جوقتىعىنان تۇركىمەنستاندى جاھاندىق ەكونوميكالىق پەرسپەكتيۆالار تۋرالى ەسەپتەن شىعارىپ تاستاعانى بەلگىلى بولدى. ءساۋىر ايىندا حالىقارالىق ۆاليۋتا قورى تۇركىمەنستاننىڭ رەسمي مەملەكەتتىك ستاتيستيكاسىن پايدالانۋدى توقتاتتى.
“ادىرنا” ۇلتتىق پورتالى
