سىبايلاس جەمقورلىققا قارسى قىزمەت ازىق-تۇلىك باعاسىن رەتتەۋدەگى سىبايلاس جەمقورلىق قۇقىق بۇزۋشىلىقتاردىڭ جولىن كەسۋ تۋرالى ايتتى، - دەپ حابارلايدى "ادىرنا" ۇلتتىق پورتالى.
انتيكور ازىق-تۇلىك قاۋىپسىزدىگىن قامتاماسىز ەتۋ كەزىندە سىبايلاس جەمقورلىقپەن كۇرەس ماسەلەلەرىن تالقىلادى. ۆەدومستۆونىڭ حابارلاۋىنشا، ماۋسىمارالىق كەزەڭدە ۇكىمەت الەۋمەتتىك ماڭىزى بار ازىق-تۇلىك تاۋارلارىنىڭ باعاسىن ۇستاپ تۇرۋعا جانە تۇراقتاندىرۋعا باعىتتالعان شارالاردى قابىلداۋدا.
"بۇل ماسەلە اسىرەسە سۋ تاسقىنىنان زارداپ شەككەن وڭىرلەر ءۇشىن وزەكتى بولىپ وتىر. تاۋارلار قازاقستان نارىعىنا دەلدالدارسىز جانە بارىنشا قولجەتىمدى باعامەن تىكەلەي تاجىكستان مەن وزبەكستاننان جەتكىزىلەتىن بولادى. اسحات جۇماعالي سىبايلاس جەمقورلىق تاۋەكەلدەرى مەن كورىنىستەرىنىڭ الدىن الۋ ماقساتىندا اۋماقتىق بولىمشەلەرگە وسى ۇدەرىستەردى باقىلاۋدى تاپسىردى" دەلىنگەن سىبايلاس جەمقورلىققا قارسى قىزمەت حابارلاماسىندا.
ۆەدومستۆو سىبايلاس جەمقورلىققا قارسى قىزمەت كەز كەلگەن جەمقورلىق قۇقىق بۇزۋشىلىقتاردىڭ، ونىڭ ىشىندە زاڭسىز پايدا الۋعا باعىتتالعان ءتۇرلى زاڭسىز سحەمالاردى قۇرۋمەن بايلانىستى قىلمىستاردىڭ جولىن كەسەتىنىن اتاپ ءوتتى.
«باعا بەلگىلەۋگە تەرىس اسەر ەتەتىن سىبايلاس جەمقورلىق فاكتورلارىنا، ونىڭ ىشىندە تاراپتاردىڭ سايكەستىگىنە، مەملەكەتتىك اپپاراتتىڭ نەگىزسىز كەدەرگىلەر جاساۋىنا، نارىقتىڭ جوسىقسىز قاتىسۋشىلارىنىڭ ايلا-شارعىسىنا جانە تەرىس پايدالانۋىنا ەرەكشە نازار اۋدارىلادى»، - دەپ اتاپ ءوتتى انتيكور.
