كەشە قاسىم-جومارت توقاەۆ ريمدەگى رەسمي ساپارىندا بۇۇ دۇنيەجۇزىلىك ازىق-تۇلىك باعدارلاماسىنىڭ اتقارۋشى ديرەكتورى سيندي ماككەينمەن كەزدەستى، دەپ حابارلايدى “ادىرنا” ۇلتتىق پورتالى اقورداعا سىلتەمە جاساپ.
مەملەكەت باسشىسى ازىق-تۇلىك قاۋىپسىزدىگى جونىندەگى يسلام ۇيىمى مەن بۇۇ-نى قوسا العاندا، حالىقارالىق ۇيىمدار جەلىسى بويىنشا جاھاندىق ازىق-تۇلىك قاۋىپسىزدىگىن قامتاماسىز ەتۋ جانە گۋمانيتارلىق كومەك كورسەتۋ بويىنشا قازاقستاننىڭ ىسكە اسىرىپ جاتقان شارالارى تۋرالى باياندادى.
"2023 جىلى قازاقستان 6 مەملەكەتكە 9,2 ميلليون دوللار كولەمىندە گۋمانيتارلىق كومەك كورسەتتى. ەلىمىز گازا سەكتورىنداعى كۇردەلى احۋالدى ەسكەرە وتىرىپ، پالەستينا حالقىنا قايىرىمدىلىق شاراسى رەتىندە 1 ميلليون دوللار ءبولدى جانە 2 رەت گۋمانيتارلىق كومەك جەتكىزدى. سونداي-اق تابيعي اپاتتان زارداپ شەككەن اۋعانستان، تۇركيا، پاكىستان جانە باسقا دا ەلدەرگە قارجىلاي كومەك كورسەتتى", - دەلىنگەن جۇماداعى حابارلامادا.
سونداي-اق پرەزيدەنت اۋعانستانداعى جاعدايعا ەرەكشە نازار اۋدارىپ، حالىقارالىق قاۋىمداستىقتىڭ وسى ەلدەگى گۋمانيتارلىق داعدارىستىڭ الدىن الۋعا كۇش سالۋىن جالعاستىرۋ وتە ماڭىزدى ەكەنىن اتاپ ءوتتى.
كەزدەسۋ سوڭىندا مەملەكەت باسشىسى سيندي ماككەيندى الداعى استانا حالىقارالىق فورۋمىنا قاتىسۋعا شاقىردى.
“ادىرنا” ۇلتتىق پورتالى
