ماڭعىستاۋ وبلىسى بۇقارالىق سپورتپەن شۇعىلدانۋ كورسەتكىشى بويىنشا رەسپۋبليكادا الدىڭعى ورىندا

1875
Adyrna.kz Telegram

ستاتيستيكالىق مالىمەتتەرگە سايكەس، قازاقستاندىقتاردىڭ 31%-ى عانا بۇقارالىق سپورتپەن اينالىسادى. ال ماڭعىستاۋ وبلىسىندا بۇل كورسەتكىش 36,8%-دى قۇراپ، 2020 جىلعى دەڭگەيگە قاراعاندا 12 993 ادامعا وسكەن، دەپ حابارلايدى ماڭعىستاۋ وبلىسى اكىمىنىڭ ءباسپاسوز قىزمەتى.

مۇنداي جەتىستىككە اۋلاداعى سپورت الاڭدارىنىڭ، كوشەدەگى جاتتىعۋ الاڭدارىنىڭ، بالالارعا ارنالعان سپورت مەكتەپتەرىنىڭ، جەكەمەنشىك جاتتىعۋ زالدارىنىڭ كوپتەپ سالىنۋى مەن سپورتشىلاردى تارتۋ باعىتىنداعى سپورت فەدەراتسيالارىنىڭ جۇيەلى جۇمىس جۇرگىزۋى سەپتىگىن تيگىزۋدە.

بۇگىندە وبلىس بويىنشا 104 سپورت ءتۇرى قامتىلعان. وندا 4-17 جاس ارالىعىنداعى 210 400 بالا مەن جاسوسپىرىمدەردىڭ 52,6 % سپورتپەن شۇعىلدانادى. مەملەكەت باسشىسىنىڭ 2020 جىلعى 1 قىركۇيەكتەگى قازاقستان حالقىنا جولداۋىندا قالالار مەن اۋدان ورتالىقتارىندا سپورت سەكتسيالارىن اشۋ، بالالار ۇيىرمەلەرىنىڭ قىزمەتىن جانە حالىقتى بۇقارالىق سپورتپەن اينالىسۋعا تارتۋ جانە بالالاردى تەگىن سپورتتىق سەكتسيالارىمەن قامتۋ تاپسىرماسى بويىنشا بيىل سپورتتىڭ 56 تۇرىنەن 249 سەكتسيا اشىلدى. 3740 بالا تەگىن تۇردە سپورتپەن شۇعىلدانۋدا.

بۇگىندە وبلىس بويىنشا 822 سپورت نىسانى جۇمىس ىستەيدى. ونىڭ 447-ءى جازىق دالادا ورنالاسقان الاڭدار مەن ۆوركاۋتتار. ال، اۋىلدىق ەلدى مەكەندەرگە 213 الاڭ تۇرعىزىلدى.

بۇدان بولەك ايماقتا جابىق عيماراتاعى 33 سپورت كەشەنى بار. ونىڭ 13 اقتاۋ قالاسىندا ورنالاسقان. وبلىستا 19 بالالار جانە جاسوسپىرىمدەر سپورت مەكتەبى سپورتتىڭ 46 تۇرىنەن بالالار مەن جاسوسپىرىمدەردى تەگىن جاتىقتىرادى. وندا 636 جاتتىقتىرۋشى، 18708 بالانى شىنىقتىرىپ ءجۇر. سونىمەن قاتار، 6 ماماندىرىلعان بالالار جانە جاسوسپىرىمدەر سپورت مەكتەبىندە 5-18 جاس ارالىعىنداعى بالالار مەن جاسوسپىرىمدەر 21 سپورت تۇرىنەن تەگىن قاتىسا الادى. مەكتەپتە جوعارى ءبىلىمدى 172 جاتتىقتىرۋشى جۇمىس ىستەيدى.

سونىمەن قاتار، وڭىردە بۇقارالىق سپورتتى دامىتۋ ماقساتىنداعى الەۋمەتتىك جوبالاردى قولداۋ ارقىلى اۋلا بالالارىن سپورتقا تارتۋ بويىنشا «ءبىزدىڭ اۋلانىڭ چەمپيوندارى» جوباسى قولعا الىندى. وبلىس كولەمىندە اشىلعان 64 ءۇي اۋلاسىنداعى سپورت الاڭىندا 14 000-عا جۋىق قالا جانە اۋىل بالالارى جاتتىعۋدا. سپورت الاڭدارى بارلىق دەڭگەيدەگى تۇرعىندارعا قولجەتىمدى ءارى ىڭعايلى بولعاندىقتان، بالالار مەن ولاردىڭ اتا-انالارىنىڭ اراسىندا ۇلكەن سۇرانىسقا يە.

«سالاۋاتتى ءومىر سالتى – دەنى ساۋ ۇلت قالىپتاستىرۋدىڭ نەگىزگى شارتى»، -دەپ مەملەكەت باسشىسى مالىمدەگەن بولاتىن. پرەزيدەنت بۇل ويىمەن بۇقارالىق جانە بالالار سپورتىن دامىتۋ ستراتەگيالىق باسىمدىق ەكەنىنە نازار اۋدارىپ وتىر.

پرەزيدەنت تاپسىرماسىنا سايكەس، ءبىز 2025 جىلعا دەيىن ءوڭىر تۇرعىندارىنىڭ 50 % سپورتقا تارتۋدى جوسپارلاپ وتىرمىز. وسى ماقساتتا جاڭا سپورت نىساندارىن سالىپ، ولاردى كەرەك-جاراقپەن تولىق جابدىقتاۋ مىندەتى تۇر»،- دەيدى وبلىستىق سپورت باسقارماسىنىڭ باسشىسى قانات جۇماباەۆ.

«ادىرنا» ۇلتتىق پورتالى.

پىكىرلەر