Mańǵystaý oblysy buqaralyq sportpen shuǵyldaný kórsetkishi boıynsha respýblıkada aldyńǵy orynda

495

Statıstıkalyq málimetterge sáıkes, qazaqstandyqtardyń 31%-y ǵana buqaralyq sportpen aınalysady. Al Mańǵystaý oblysynda bul kórsetkish 36,8%-dy qurap, 2020 jylǵy deńgeıge qaraǵanda 12 993 adamǵa ósken, dep habarlaıdy Mańǵystaý oblysy ákiminiń baspasóz qyzmeti.

Mundaı jetistikke aýladaǵy sport alańdarynyń, kóshedegi jattyǵý alańdarynyń, balalarǵa arnalǵan sport mektepteriniń, jekemenshik jattyǵý zaldarynyń kóptep salynýy men sportshylardy tartý baǵytyndaǵy sport federaııalarynyń júıeli jumys júrgizýi septigin tıgizýde.

Búginde oblys boıynsha 104 sport túri qamtylǵan. Onda 4-17 jas aralyǵyndaǵy 210 400 bala men jasóspirimderdiń 52,6 % sportpen shuǵyldanady. Memleket basshysynyń 2020 jylǵy 1 qyrkúıektegi Qazaqstan halqyna Joldaýynda qalalar men aýdan ortalyqtarynda sport sekııalaryn ashý, balalar úıirmeleriniń qyzmetin jáne halyqty buqaralyq sportpen aınalysýǵa tartý jáne balalardy tegin sporttyq sekııalarymen qamtý tapsyrmasy boıynsha bıyl sporttyń 56 túrinen 249 sekııa ashyldy. 3740 bala tegin túrde sportpen shuǵyldanýda.

Búginde oblys boıynsha 822 sport nysany jumys isteıdi. Onyń 447-i jazyq dalada ornalasqan alańdar men vorkaýttar. Al, aýyldyq eldi mekenderge 213 alań turǵyzyldy.

Budan bólek aımaqta jabyq ǵımarataǵy 33 sport kesheni bar. Onyń 13 Aqtaý qalasynda ornalasqan. Oblysta 19 balalar jáne jasóspirimder sport mektebi sporttyń 46 túrinen balalar men jasóspirimderdi tegin jatyqtyrady. Onda 636 jattyqtyrýshy, 18708 balany shynyqtyryp júr. Sonymen qatar, 6 mamandyrylǵan balalar jáne jasóspirimder sport mektebinde 5-18 jas aralyǵyndaǵy balalar men jasóspirimder 21 sport túrinen tegin qatysa alady. Mektepte joǵary bilimdi 172 jattyqtyrýshy jumys isteıdi.

Sonymen qatar, óńirde buqaralyq sportty damytý maqsatyndaǵy áleýmettik jobalardy qoldaý arqyly aýla balalaryn sportqa tartý boıynsha «Bizdiń aýlanyń Chempıondary» jobasy qolǵa alyndy. Oblys kóleminde ashylǵan 64 úı aýlasyndaǵy sport alańynda 14 000-ǵa jýyq qala jáne aýyl balalary jattyǵýda. Sport alańdary barlyq deńgeıdegi turǵyndarǵa qoljetimdi ári yńǵaıly bolǵandyqtan, balalar men olardyń ata-analarynyń arasynda úlken suranysqa ıe.

«Salaýatty ómir salty – deni saý ult qalyptastyrýdyń negizgi sharty», -dep Memleket basshysy málimdegen bolatyn. Prezıdent bul oıymen buqaralyq jáne balalar sportyn damytý strategııalyq basymdyq ekenine nazar aýdaryp otyr.

Prezıdent tapsyrmasyna sáıkes, biz 2025 jylǵa deıin óńir turǵyndarynyń 50 % sportqa tartýdy josparlap otyrmyz. Osy maqsatta jańa sport nysandaryn salyp, olardy kerek-jaraqpen tolyq jabdyqtaý mindeti tur»,- deıdi oblystyq sport basqarmasynyń basshysy Qanat Jumabaev.

«Adyrna» ulttyq portaly.

Pikirler
Redakııa tańdaýy