ءو.شوكەەۆ: «الدىمىزدا جولداۋداعى ايقىن باعىتتاردى ىسكە اسىرۋ مىندەتى تۇر»

782
Adyrna.kz Telegram

تۇركىستان وبلىسىنىڭ اكىمى ومىرزاق شوكەەۆ مەملەكەت باسشىسى قاسىم-جومارت توقاەۆتىڭ قازاقستان حالقىنا جولداۋىن جۇزەگە اسىرۋ بويىنشا وبلىس اكتيۆىمەن كەزدەستى.

ايماق باسشىسى جينالىسقا قاتىسۋشىلارعا جولداۋداعى جەتى باستى باسىم باعىتتار مەن ناقتى اتقارىلاتىن جۇمىستاردى ايقىنداپ بەردى. سوزىنشە، 2025 جىلى جىلى جەرگىلىكتى ماڭىزى بار اۆتوموبيل جولدارىنىڭ جاقسى جانە قاناعاتتى جاعدايداعى ۇلەسىن 99 %-عا جەتكىزۋ جوسپارلانۋدا. سونىمەن قاتار، وسى جىلى جالپى 444 ەلدى مەكەنگە گاز تارتىلعان.

ومىرزاق شوكەەۆ، تۇركىستان وبلىسىنىڭ اكىمى: «2021 جىلى جەرگىلىكتى ماڭىزى بار اۆتوموبيل جولدارىنىڭ جاقسى جانە قاناعاتتى جاعدايداعى ۇلەسىن 79 پايىزدان 87 پايىزعا جەتەتىن بولادى. ال 25 جىلعا دەيىن 99 پايىزعا جەتكىزەمىز دەپ جوسپارلاپ وتىرمىز. اعىمداعى جىلى 444 ەلدى مەكەنگە تابيعي گاز تارتىلدى. قامتۋ كورسەتكىشى 52 پايىز بولىپ تۇر. 21 جىلدىڭ قورىتىندىسىمەن ورتالىقتاندىرىلعان اۋىز سۋمەن جالپى 717 ەلدى مەكەن قامتىلدى. 25 جىلعا تولىق 100 پايىز قامتىلامىز دەگەن جوسپار بار».

جيىندا بىرقاتار بايانداماشىلار جارىسسوزگە شىعىپ، جولداۋ اياسىندا بەرىلگەن تاپسىرمالار مەن اتقارىلاتىن جۇمىستار جونىندە ءوز ويلارىن ورتاعا سالدى.

اليشەر ساتىبالديەۆ، «جانۋبي قوزوعيستون» گازەتىنىڭ ديرەكتورى: «بۇقارالىق اقپارات قۇرالدارىنىڭ اسىرەسە، مەرزىمدى باسىلىمداردىڭ پوتەنتسيالىن تولىق پايدالانۋىمىز كەرەك. گازەت بەتتەرىندە جولداۋدى قولداۋ باستامالارى بويىنشا جاڭا ايدارلار اشىلىپ، سالا ماماندارىنىڭ پىكىرى كوپتەپ بەرىلۋى كەرەك دەپ ويلايمىن».

ايماق باسشىسى 3 اۋىسىمدى مەكتەپ ماسەلەسىن شەشۋ ماقساتىندا وبلىستا 78 مەكتەپتىڭ قۇرىلىسى ءجۇرىپ جاتقانىن العا تارتتى. بيىل 44 مەكتەپتىڭ قۇرىلىسى اياقتالادى. 5 جىلدا 134 جاڭا مەكتەپ سالۋ جوسپارلانۋدا.

جيىن سوڭىندا وبلىس اكىمى مەملەكەت باسشىسىنىڭ حالىققا جولداۋىنداعى مىندەتتەردى ساپالى جۇزەگە اسىرىپ، بۇل باعىتتاعى جۇمىستاردى كۇشەيتۋدى تاپسىردى.

ءاليحان فايزحانوۆ

پىكىرلەر