80 مىڭعا جۋىق تۇرعىنى بار ارىس قالاسىندا گەمودياليز ورتالىعى اشىلدى. بۇعان دەيىن ارىستىڭ سوزىلمالى بۇيرەك جەتكىلىكسىزدىگى دەرتىنە شالدىققان 40-تان استام تۇرعىنى شىمكەنتكە قاتىنايتىن.
جاڭا اشىلعان ورتالىق ءبىر مەزەتتە 6 پاتسيەنتتى قابىلداي الادى. ناۋقاستارعا ساپالى قىزمەت كورسەتۋ ماقساتىندا ارنايى اپپاراتىن جاپونيادان الدىرعان.
ال سۋدى سۇزگىدەن وتكىزىپ، قۇرامىن بايىتۋ ءۇشىن گەرمانيادان قوسىمشا قۇرال-جابدىقتار اكەلگەن. ايتا كەتەر جايت، مۇندا تەك ارىس قالاسىنىڭ تۇرعىندارىنا عانا ەمەس ەلىمىزدىڭ كەز كەلگەن ازاماتىنا تەگىن قىزمەت كورسەتەدى.
ال، ناۋقاستارعا بەرىلەتىن تاعام تۇرلەرى مەن تاسىمالداۋ جۇمىسى دا شەشىمىن تاپقان. ورتالىقتىڭ ۇسىنعان قىزمەت ءتۇرىن ءتۇتىنۋ ءۇشىن ازاماتتار جەكە باسىن كۋالاندىراتىن قۇجاتپەن كەلسە بولعانى.
جانەركە حۋمار
