بۇقارالىق سپورت — سالاۋاتتى ءومىر سالتىنىڭ نەگىزى

809
Adyrna.kz Telegram

«Antikor.Live» جوباسى اياسىندا شىمكەنت قالاسىنىڭ دەنە شىنىقتىرۋ جانە سپورت باسقارماسىنىڭ باسشىسى باۋىرجان تۇمانباەۆ اتالعان سالادا 8 ايدا اتقارىلعان جۇمىستارمەن تانىستىردى.

«اntikor ortalyǵy» سەرۆيستىك ورتالىعىنىڭ الاڭىندا وتكەن ەفير بارىسىندا سپورتتىق ۇيىرمەلەردى جان باسىنا شاققانداعى قارجىلاندىرۋدىڭ ىسكە اسىرىلۋى، سپورتتىق ينفراقۇرىلىمدى دامىتۋ، سپورتتىق جەتىستىكتەر بويىنشا جانە ت.ب. اقپاراتتار بەرىلدى.

بۇگىنگى تاڭدا، قالادا 4096 بالاعا 71 سپورت تۇرىنەن تەگىن سپورت سەكتسيالارىن ۇيىمداستىرۋ ءۇشىن جەرگىلىكتى بيۋدجەتتەن (جان باسىنا شاققانداعى قارجىلاندىرۋ) 339,8 ملن. تەڭگە قارجى باعىتتالعان. ودان بولەك، وتكەن جىلعى 6 ايدىڭ قورىتىندىسىمەن سالىستىرعاندا قالادا سپورت نىساندار سانى 34 بىرلىككە ارتىپ، 2 دەنە شىنىقتىرۋ-ساۋىقتىرۋ كەشەنىنىڭ قۇرىلىس جۇمىستارى جۇرگىزىلۋدە.

باۋىرجان تۇمانباەۆ سپورتتىق جەتىستىكتەرگە توقتالىپ، 2021 جىلدىڭ 8 ايىنداعى كورسەتكىشتە قالا سپورتشىلارى سپورت تۇرلەرى بويىنشا قازاقستان رەسپۋبليكاسىنىڭ چەمپيوناتتارى، كۋبوكتارى مەن بىرىنشىلىكتەرىنە قاتىسىپ، 408 التىن، 315 كۇمىس، 352 قولا مەدال جەڭىپ العانىن ايتا كەتتى.

سونىمەن قاتار، باسقارما تاراپىنان سىبايلاس جەمقورلىققا قارسى مادەنيەتتى قالىپتاستىرۋ ماقساتىندا تۇراقتى تۇردە مەكەمە قىزمەتكەرلەرىنە ءتۇسىندىرۋ جۇمىستارى جۇرگىزىلىپ وتىرعاندىعىنان حاباردار ەتتى.

"ادىرنا" ۇلتتىق پورتالى 

پىكىرلەر