شىمكەنتتە قىركۇيەك ايىنىڭ 15-نەن باستاپ جىل سايىنعى تۇماۋعا قارسى ەكپە ەگۋ جۇمىستارى جۇرگىزىلەتىن بولادى.
اتالعان ۆاكتسيناتسيالاۋ جۇمىستارى وتكەن جىلى 15 قىركۇيەك پەن 15 قاراشا ارالىعىندا وتكەن. كۇز ايلارىندا سالىناتىن تۇماۋعا قارسى ەكپە كورونوۆيرۋس ىندەتىن جۇقتىرۋ قاۋپىن تومەندەتۋگە كومەكتەسە مە؟
جىل سايىنعى تۇماۋعا قارسى ەكپە ەگۋ قىركۇيەك ايىنىڭ 15-ىنەن باستالادى. سونىمەن قاتار، 1-سىنىپ وقۋشىلارىنا مانتۋ سىناماسى مەن بتسج تۋبەركۋلەزگە قارسى ۆاكتسيناتسيالاۋ جۇمىستارىن جۇرگىزىۋ جوسپارلانىپ وتىر دەيدى سالا ماماندارى. ايتۋلارىنشا، وتكەن جىلى تۇماۋعا قارسى ۆاكتسينانى قالا حالقىنىڭ 10 پايىزى سالدىرعان ەكەن. بيىل ول كورسەتكىشتى 12%-عا ارتتىرۋ جوسپارلانىپ وتىر.
باقىتجان پوزيلوۆ، شىمكەنت قالالىق دەنساۋلىق ساقتاۋ باسقارماسىنىڭ باسشىسى: «جىل سايىن 15 قىركۇيەكتە باستالادى. بۇل تۇماۋعا قارسى ۆاكتسيناتسيا. بيىل 12 پايىزعا كوتەرسەك دەپ وتىرمىز. بۇل كورونوۆيرۋستىڭ تومەندەۋىنە اكەلەتىن جولدىڭ ءبىرى».
تۇماۋعا قارسى ۆاكتسيناتسيانى العاندار اراسىندا اعىمداعى جىلدىڭ قاڭتار-تامىز ايلارىندا ديفتەريا، كوكجوتەل، سىرەسپە سەكىلدى ينفەكتسيالىق اۋرۋلار تىركەلمەگەن. قالالىق دەنساۋلىق ساقتاۋ باسقارماسىنىڭ باسشىسى تەگىن ۆاكتسيناتسيالاۋ ءۇشىن رەسەيدەن «گريپپول پليۋس» ۆاكتسيناسى ساتىپ الىنعانىن مالىمدەدى. ەكپەنى قاۋىپ-قاتەر توبىنداعى ازاماتتار تۇرعىلىقتى ەمحاناسى بويىنشا سالدىرا الادى.
باقىتجان پوزيلوۆ، شىمكەنت قالالىق دەنساۋلىق ساقتاۋ باسقارماسىنىڭ باسشىسى:» تۇماۋعا قارسى ۆاكتسينا 130 مىڭنان استام قالا تۇرعىنىنا جوسپارلاپ وتىر. دۇنيەجۇزىلىك دەنساۋلىق ساقتاۋ ۇيىمىنىڭ ۇسىنىسىنا سايكەس جىل سايىن قالا بويىنشا حالىقتىڭ 10%-دان استامى بولۋى قاجەت. ءبىز 12 پايىزعا جوسپارلاپ وتىرمىز».
سونداي-اق، قالالىق ءبىلىم باسقارماسىنىڭ باسشىسى «وقۋشىلارعا كوۆيدكە قارسى ۆاكتسيناتسيا سالىنبايتىنىن، الەۋمەتتىك جەلىلەردە تاراعان اقپاراتتىڭ جالعان ەكەندىگىن ايتتى. كەز كەلگەن ەكپە ءتۇرى بالاعا تەك اتا-انا رۇقساتىمەن سالىنادى، سول سەبەپتى الاڭداۋعا ەش نەگىز جوق دەيدى. ەكپە تۇرعىنداردىڭ قالاۋىمەن، ەرىكتى تۇردە سالىناتىن بولادى.
جانات تاجيەۆا شىمكەنت قالالىق ءبىلىم باسقارماسىنىڭ باسشىسى: «بالالارعا كورونوۆيرۋسقا قارسى ۆاكتسينا سالۋ ءۇردىسى ورىن العان جوق. بۇل كەيبىر اتا-انالار اراسىندا تاراعان اقپارات شىندىققا جاناسپايدى، بۇل دەزينفورماتسيا».
سونىمەن قاتار، قالانىڭ باس دارىگەرى قالاداعى ەپيداحۋالدىڭ تۇراقتالىپ قالعانىن ايتادى. قازىرگى تاڭدا 1134 ازامات ستاتسيوناردا ەم قابىلداسا، اۋرۋحانالارداعى توسەك ورىن تولىمدىلىعى 45%-دى قۇرايدى. ال كورونيوۆيرۋسقا قارسى ەكپەنىڭ ءىى كومپونەنتىن تولىق العاندار سانى 375 000.
گۇلدانا داۋرەن
