ەلىمىزدە وتكەن تاۋلىكتە 3 639 ادامنىڭ كوروناۆيرۋس ينفەكتسياسىن جۇقتىرعانى انىقتالدى. ونىڭ 145-ءى شىمكەنتتە، 56-ى تۇركىستان وبلىسىندا تىركەلگەن.
8 قىركۇيەكتەگى جاعداي بويىنشا ەلدە 87 015 ادام ەم قابىلداپ جاتىر. ونىڭ ىشىندە 18 333 پاتسيەنت ستاتسيونارعا جاتقىزىلعان.
ال، 68 682-ءى امبۋلاتوريالىق دەڭگەيدە ەمدەلۋدە. سالا جاۋاپتىلارىنىڭ ايتۋىنشا، 1 377 ادامنىڭ جاعدايى اۋىر، ال 378 پاتسيەنتتىڭ ءحالى وتە اۋىر. 197 ناۋقاس وكپەنى جاساندى تىنىس بەرۋ اپپاراتىنا قوسىلعان.
قازاقستان بويىشا ۆاكتسيناتسيالانعاندار سانى 6 928 646 ادامعا جەتتى. ونىڭ 2-ءشى كومپونەنتىن 5 755 817 ادام سالدىردى. ال شىمكەنتتە 445 372 تۇرعىن ەكپە قابىلداعان.
ۆاكتسينانىڭ ەكى كومپونەنتىن مەگاپوليستىڭ 378 882 تۇرعىنى الدى. ال، تۇركىستان وبلىسى بويىنشا قاۋىپتى ىندەتكە قارسى ۆاكتسينانىڭ I كومپونەنتىن 776 635, II كومپونەنتىن 624 575 ادام سالدىرعان.
قازاقستان وڭىرلەرىندەگى ەپيدەميولوگيالىق جاعدايدى باعالاۋ ماتريتساسىنا توقتالساق، «جاسىل» ايماقتا تۇركىستان وبلىسى، سارى بەلدەۋدە شىعىس قازاقستان، سولتۇستىك قازاقستان جانە جامبىل مەن قىزىلوردا وبلىسى تۇر. ال قالعان وڭىرلەردىڭ بارلىعى «قىزىل» بەلدەۋدە.
"ادىرنا" ۇلتتىق پورتالى
