شىمكەنتتە كۇنىنە 25 توننا ءسۇت وڭدەيتىن تسەح اشىلدى

786
Adyrna.kz Telegram

شىمكەنت قالاسىنداعى مارتوبە تۇرعىن الابىندا ءسۇت ونىمدەرىن وڭدەيتىن تسەح اشىلدى. جوباعا 300 ملن تەڭگە ينۆەستيتسيا تارتىلعان. اتالمىش تسەحتا كۇنىنە 20-25 تونناعا دەيىن ءسۇت وڭدەلۋدە. وڭدەلگەن سۇتتەن 2,5 توننا ىرىمشىك ءونىمىنىڭ گوللاند جانە موتسارەللا ءتۇرى شىعارىلادى. سۇرانىسقا قاراي برىنزا ءونىمى دە وندىرىلەدى.

كاسىپورىن باسشىسى پولات حالاەۆتىڭ ايتۋىنشا، الداعى ۋاقىتتا ءونىم كولەمىن 35-40 تونناعا دەيىن ارتتىرىپ، ءونىم ءتۇرىن كوبەيتۋدى جوسپارلاپ وتىر. قازىرگى تاڭدا مارتوبەدەن شىعارىلعان ءسۇت ونىمدەرى ەلىمىزدىڭ بارلىق ايماقتارىن تولىقتاي قامتىپ وتىر ەكەن.

جيىرما بەس جەرگىلىكتى تۇرعىندى تۇراقتى جۇمىسپەن قامتىپ وتىرعان «حالاەۆ» جك كاسىپورىن ساپا ستاندارتى بويىنشا جۇمىس ىستەپ وتىر.

ءسۇت وڭدەۋ تسەحىنىڭ ورنالاسقان جەرى مارتوبە تۇرعىن الابى، جىبەك جولى كوشەسى، ء130ۇي.

"ادىرنا" ۇلتتىق پورتالى 

پىكىرلەر