الەۋمەتتىك-كاسىپكەرلىك كورپوراتسياسى شىمكەنتكە تارتىلعان ينۆەستيتسيالار بويىنشا رەكورد ورناتتى. بۇل تۋرالى باسقارما توراعاسى باۋىرجان كانكين ايتتى. جۋرناليستەرمەن كەزدەسۋدە ول تارتىلعان ينۆەستيتسيا سوماسى 400 ملن تەڭگەدەن اسقانىن ءتۇسىندىردى. سونىمەن قاتار ول 25 ملرد تەڭگەگە 13 ينۆەستيتسيالىق جوبا مەكتەپ قۇرىلىسىنا تارتىلعانىن اتاپ ءوتتى.
الەۋمەتتىك-كاسىپكەرلىك كورپوراتسيا قىزمەتىنە مەملەكەت سۋبسيديا بەرمەيدى. باسقارما توراعاسى باۋىرجان كانكين مالىمدەمە جاساپ، اتقارعان جۇمىسى تۋرالى ەسەپ بەردى. سونداي-اق، ول كومپانيا ينۆەستيتسيالىق جوبالاردىڭ سانى بويىنشا كوش باستاپ تۇرعانىن العا تارتتى.
باۋىرجان كانكين ، «Shymkent» اكك» اق باسقارما توراعاسى: «ءاربىر ااك وزىندىك ءبىر وڭىرلىك ينستيتۋتقا اينالۋى ءتيىس. ونىڭ ەلىمىزدەگى ءتيىستى وڭىرلەردەگى مەملەكەتتىك اكتيۆتەردى باسقاراتىن حولدينگ كومپانياسى رەتىندە جۇمىس ىستەۋى مۇمكىن. سودان كەيىنگى كەزەڭدە باسقارۋ تاجىريبەسىن جيناقتاۋى ااك-نىڭ كاپيتالدانۋ دەڭگەيىنىڭ ارتۋىنا قاراي، ولاردىڭ وڭىرلىك جانە حالىقارالىق رىنوككا شىعۋىمەن قوسا جاۋاپكەرشىلىك اياسىن كەڭەيتۋ ارتىنداعى اڭگىمەنى قوزعاۋعا بولادى».
كانكين، بيزنەسكە قاجەتتى جەردى ۇزاق مەرزىمدە جالعا الۋ ءۇشىن ينۆەستورلاردان الاتىن كەرەمەت تابىستارى تۋرالى سۇراققا «الەۋمەتتىك-كاسىپكەرلىك كورپوراتسيا زاڭ اياسىندا جۇمىس جاسايدى» – دەپ جاۋاپ بەردى. بۇل ارزان ەمەس، قىمبات ساتۋعا دەگەن ۇمتىلىس تا ەمەس، نارىقتىق باعالار! كاداسترلىق قۇنى بويىنشا جەر تەك وندىرىستىك ايماقتارعا بەرىلەدى.
باۋىرجان كانكين، Shymkent» اكك» اق باسقارما توراعاسى: «قازاقستاندا جەر ۋچاسكەسى جەر كودەكسىنىڭ 48 بابىنا سايكەس جەر ۋچاسكەسىن بەرۋ مەملەكەتتىك جەكە مەنشىك ارىپتەستىك ارقىلى زاتتاي سانىندا، ينۆەست كەلىسىمشارت، اۋكتسيون، سەس، جەكەمەنشىك جانە سپك ارقىلى جۇرگىزىلەدى. سپك تەتىكتەردىڭ ءبىرى بولىپ تابىلادى جانە مونوپوليزم بولىپ تابىلمايدى».
تاپقان اقشانى قانداي جوبالارعا جۇمساۋدى كورپوراتسيا وزدەرى شەشەدى. دەگەنمەن ولار كەلىسىمدى الەۋمەتتىك جوبالاردى دامىتۋدى باعىتتاۋعا ۋادە بەرەدى
ەرلان قاتتابەكوۆ،» Shymkent» اكك» اق باسقارما توراعاسىنىڭ ورىنباسارى: «بۇل تەك قانا باستاماسى. كەلەسى جىلى ينۆەستيتسيا كولەمى ودان دا كوپ ارتاتىن بولادى. قازىرگى تاڭدا قۇرىلىستى ايتاتىن بولساق 495 ملرد جالپى سومماسى، جالپى قۋاتى 1 ملن 793 مىڭ شارشى مەتر قۇرىلىس ەنگىزىلەيىن دەپ جاتىر. ول 25 جوبا جالپى ايتقاندا».
كوپقاباتتى ۇيلەر سالۋ ماسەلەسى دە نازاردان تىس قالمادى. ءبىر جىل ىشىندە، كورپوراتسيا باسشىسىنىڭ ايتۋىنشا، 35 مىڭ وتباسى جاڭا قونىس يەلەرى اتانادى. جاڭا باسپانالار شىمكەنتتىكتەردى شىن مانىندە قۋانتادى جانە ولار كەمشىلىكتەر ءۇشىن جاۋاپتىلاردى ىزدەۋگە ءماجبۇر بولمايدى دەپ ۇمىتتەنەمىز.
ءاليحان فايزحانوۆ
