ماقتارالدىقتار جامبىل وبلىسى بايزاق اۋدانىنا 10 توننا گۋمانيتارلىق كومەك جىبەردى. جەرگىلىكتى كاسىپكەرلەر مەن تۇرعىنداردىڭ باستاماسىمەن زارداپ شەككەن وڭىرگە جىبەرىلگەن ازىق-تۇلىك ارنايى ۇيىمداستىرىلعان قويماعا ورنالاستىرىلدى.
اتالعان گۋمانيتارلىق تاۋارلار توتەنشە جاعدايدان زارداپ شەككەن تۇرعىندارعا ۇلەستىرىلەتىن بولادى. بايزاق اۋدانىنىڭ تۇرعىندارى قيىن ساتتە قول ۇشىن سوزعان ماقتاارالدىقتارعا العىستارىن ءبىلدىردى.
جىبەرىلگەن كومەكتى ۇيىمداستىرۋدا بىلتىر سۋ تاسقىنىنان زارداپ شەككەن ورگەباس، فەرداۋسي اۋىلى تۇرعىندارى بەلسەندىلىك تانىتتى.
ايتا كەتەيىك، وتكەن جىلى ماقتاارال اۋدانىندا سۋ تاسقىنى بولعان كەزدە جامبىل حالقى العاشقىلاردىڭ ءبىرى بولىپ گۋمانيتارلىق كومەك كورسەتكەن بولاتىن.
اينۇر بەكاسانوۆا
