شىمكەنتتە وتكەن تاۋلىكتە كۆي-ءدىڭ 140 جاعدايى تىركەلدى، دەپ حابارلايدى "ادىرنا" ۇلتتىق پورتالى.
91 ادام ينفەكتسيالىق ستاتسيونارعا جاتقىزىلىپ، 49 ادام ءۇي باقىلاۋىنا الىندى. قازىرگى تاڭعا مامانداندىرىلعان ينفەكتسيالىق ستاتسيونارلاردا بارلىعى 3 050 ورىن بار، توسەك ورىن تولىمدىعى 50%-دى قۇرايدى، 1498 توسەك ورىن بوس.
ينفەكتسيالىق ستاتسيوناردا 1552 ناۋقاس ەمدەلۋدە، جانساقتاۋ بولىمىندە – 504 توسەك ورىن بار، 300 ناۋقاس ەم قابىلداۋدا. ءبىر تاۋلىك ىشىندە 6412 ادام ۆاكتسينا الدى.
سانيتارلىق-ەپيدەميولوگيالىق تالاپتاردىڭ ساقتالۋىنا مونيتورينگ جۇرگىزەتىن موبيلدىك توپتار 344 نىسانعا تەكسەرۋ جۇرگىزدى. ونىڭ ىشىندە 3 نىساندا كارانتين رەجيمىنىڭ تالاپتارى بۇزىلعاندىعى انىقتالىپ، اكىمشىلىك حاتتامالار تولتىرىلدى.ماماندار كارانتين تالاپتارىن بۇزۋ اكىمشىلىك جاۋاپكەرشىلىككە الىپ كەلىپ قانا قويماي، قوعام دەنساۋلىعىنا دا اسەر ەتەتىنىن ۇمىتپاۋ قاجەت دەيدى.
