شىمكەنتتەگى جۇمابەك تاشەنوۆ كوشەسى – كولىك اعىنىنىڭ قارقىندىلىعىنا بايلانىستى ماگيسترالدى كوشەلەردىڭ ءبىرى بولىپ تابىلادى.
بۇل كوشەدە قازىرگى ۋاقىتتا ن. تورەقۇلوۆ كوشەسىنەن تولەبي كوشەسىنە دەيىنگى ارالىقتا، جالپى ۇزىندىعى 1,8 شاقىرىم جولدا ورتاشا جوندەۋ جۇمىستارى ءجۇرىپ جاتىر.
جوبانىڭ سمەتالىق قۇجاتتارىندا جالپى 35400م2 اۋماققا اسفالتوبەتون قاباتىن فرەزالاۋ، تەگىستەۋ جانە قيىرشىق تاستى ماستيكالىق قوسپامەن جوعارى قاباتىنا توسەۋ قارالعان. اتالعان كوشە بويىنشا ورتاشا جوندەۋ جۇمىستارى قىركۇيەك ايىنىڭ سوڭىندا اياقتاۋ جوسپارلانعان.
قۇرىلىس جۇمىستارى «سەرىك بيزنەس قۇرىلىس» جشس-گىنە جۇكتەلگەن. ال تەحنيكالىق قاداعالاۋشى «Expert-M» جشس-گى.
"ادىرنا" ۇلتتىق پورتالى
