“سوعىس بولا ما، جوق پا” دەپ ەمەس، قاشان بولادى دەپ ويلاناتىن كەز كەلدى

5307
Adyrna.kz Telegram

وكىنىشكە قاراي، رەسەيدە وسىلاي ويلاي الاتىن ادامداردىڭ سانى ونشا كوپ ەمەس. جەتكىلىكتى ەمەس. رەسەي ءۇشىنشى دۇنيەجۇزىلىك سوعىستى باستاپ كەتۋگە دايىن تۇر. قايتكەندە سوعان سەبەپكەر بولاتىنى انىق. "سوعىس بولا ما، جوق پا" دەپ ەمەس، ول قاشان بولادى دەپ ويلاناتىن كەز كەلدى.

پۋتين "تىزەرلەپ تۇرعان رەسەيدى كوتەردى" دەپ ۇرانداپ جاتقان مəسكەۋدىڭ ەسالاڭ پروپاگانداسى ءوز ەلىن قۇردىمعا اپارا جاتىر، ۇلتتىق كاتاستروفاعا جەتەلەپ بارادى. رەسەيدىڭ ۇگىت-ناسيحات سالاسى كىمدەر قولىندا ەكەنىن ەسكەرسەك، وسى ءبىر-ەكى ۇلتتىڭ وكىلدەرى جۇرگىزىپ جاتقان ساياسات قانتوگىسسىز اياقتالمايتىنى انىق.

ورىستىڭ تاۋداي وسكەن باعى بايانسىز بولىپ، الدا ونى ءتۇپسىز شىڭىراۋداي سورى كۇتىپ تۇر. ورىستى، جالپى رەسەيلىكتەردى "سىرتقى جاۋمەن" عانا ەمەس، ىشكى "جاۋلارمەن" دە، ياعني بارلىق ورىس ەمەس ۇلتتارمەن ارازداستىرىپ، سوعىستىرۋعا اسىعىس دايارلاپ جاتىر. رەسەيدىڭ كۇنى ساناۋلى ەكەنىن وسىدان بىلۋگە بولادى.

كينو مەن تەلەۆيزور تəربيەلەگەن يمپەرشىل ورىستار ءىس ناسىرعا شاپسا قاۋقار كورسەتە الا ما؟ قاراڭعى حالىقتىڭ كوزى اشىلىپ جاتىر، از ۇلتتار ءوستى، ءəلسىز ۇلتتار كۇشەيدى، الاۋىز بولعان جۇرتتار ىنتىماقتاسىپ جاتىر.

"ورىس əلەمىنىڭ" باسقىنشىلىق قاۋپى بۇكىل əلەمنىڭ ورتاق پروبلەماسىنا اينالدى. ونىڭ شەشۋ جولدارى تارىلعانى راس. بۇگىنگى بارلىق فاكتور əلەمنىڭ ۇلكەن سوعىسقا تابانداپ، جاقىن قالعانىن كورسەتىپ وتىر. ىشتەن دە، سىرتتان دا بىردەي ۇرعان سوققىنى رەسەي يمپەرياسى كوتەرە المايدى.

سوعىس بولماسا ەكەن، تىنىشتىق كەرەك دەپ قانشاما تىلەسەك تە، رەسەيدىڭ ەڭ جاقىن تۇرعان كونبىس كورشىسى رەتىندە، جاۋلاپ الۋعا كوزدەگەن ءبىر نىساناسى رەتىندە بولا تۇرىپ، ءبىزدىڭ سوعىس ورتىنەن امان قالۋىمىز نەعايبىل. بەيبىتشىلىك كەرەك بولسا الدىمەن سوعىسقا دايىندال دەگەن اسىل قاعيدا بار. قامدان قازاق !

اقان جاقىپ،

"ادىرنا" ۇلتتىق پورتالى

پىكىرلەر