Ókinishke qaraı, Reseıde osylaı oılaı alatyn adamdardyń sany onsha kóp emes. Jetkilikti emes. Reseı úshinshi dúnıejúzilik soǵysty bastap ketýge daıyn tur. Qaıtkende soǵan sebepker bolatyny anyq. "Soǵys bola ma, joq pa" dep emes, ol qashan bolady dep oılanatyn kez keldi.
Pýtın "tizerlep turǵan Reseıdi kóterdi" dep urandap jatqan Məskeýdiń esalań propagandasy óz elin qurdymǵa apara jatyr, ulttyq katastrofaǵa jetelep barady. Reseıdiń úgit-nasıhat salasy kimder qolynda ekenin eskersek, osy bir-eki ulttyń ókilderi júrgizip jatqan saıasat qantógissiz aıaqtalmaıtyny anyq.
Orystyń taýdaı ósken baǵy baıansyz bolyp, alda ony túpsiz shyńyraýdaı sory kútip tur. Orysty, jalpy reseılikterdi "syrtqy jaýmen" ǵana emes, ishki "jaýlarmen" de, ıaǵnı barlyq orys emes ulttarmen arazdastyryp, soǵystyrýǵa asyǵys daıarlap jatyr. Reseıdiń kúni sanaýly ekenin osydan bilýge bolady.
Kıno men televızor tərbıelegen ımpershil orystar is nasyrǵa shapsa qaýqar kórsete ala ma? Qarańǵy halyqtyń kózi ashylyp jatyr, az ulttar ósti, əlsiz ulttar kúsheıdi, alaýyz bolǵan jurttar yntymaqtasyp jatyr.
"Orys əleminiń" basqynshylyq qaýpi búkil əlemniń ortaq problemasyna aınaldy. Onyń sheshý joldary tarylǵany ras. Búgingi barlyq faktor əlemniń úlken soǵysqa tabandap, jaqyn qalǵanyn kórsetip otyr. Ishten de, syrttan da birdeı urǵan soqqyny Reseı ımperııasy kótere almaıdy.
Soǵys bolmasa eken, tynyshtyq kerek dep qanshama tilesek te, Reseıdiń eń jaqyn turǵan kónbis kórshisi retinde, jaýlap alýǵa kózdegen bir nysanasy retinde bola turyp, bizdiń soǵys órtinen aman qalýymyz neǵaıbyl. Beıbitshilik kerek bolsa aldymen soǵysqa daıyndal degen asyl qaǵıda bar. Qamdan qazaq !
Aqan JAQYP,
"Adyrna" ulttyq portaly
